Sveitaball!!!

Stelpan skellti sér út á land á sveitaball í gær!!!

Já heldur betur, það var eitthvað brjálað FH ball í Kaplakrika í gær!
Það var svo mikill menntaskólafílingur fyrir þetta ball að það var bara kast! Ég heyrði í hvorri Nínunni svona 5 sinnum í gær og það voru alltaf einhverjar reddingar -
"Ok, ég er búin að redda partýi - það verður hjá Rúnari, þá þurfum við bara að redda gistingu"
5 mínútum síðar
"Ok, ég er búin að redda gistingunni, við fáum að krassa hjá Stebba ef við viljum"
Svo kom
"Ertu búin að fara í ríkið? Ég á nefninlega eftir að fara! Heyrðu, ég heyri í þér"
Og
"Ertu búin að ákveða í hverju þú ætlar?!"

Svo um kvöldið var það svipað
"Hvernig ætlarðu að fara uppeftir?!"
"Ætlar þú á bíl?"
"Ok, við erum búnar að redda okkur, Íris fer á bíl"
"Ok, svona verður þetta: Pétur skutlar Sísí til mín og þau ætla að sækja þig í leiðinni, svo ætlar Indi bróðir að skutla okkur út í Hafnarfjörð, ok?!"

Þetta var alveg kast! Svo eftir allt vesenið komumst við út í Hafnarfjörð í partýið og á ballið og það var bara ógeðslega gaman!
Í svörtum fötum voru að spila (gat skeð) og þeir voru alveg að gera góða hluti. Svo í pásunni var DJinn líka alveg að standa sig, spilaði snilldarlög eins og Súpermanlagið - vá hvað það er langt síðan ég hef heyrt það!

Síðan fór reyndar þannig að við fórum niður í bæ eftirá, það varð ekkert úr krassinu í Hafnarfirðinum - en menntaskóla/sveitaballið var alveg að gera sig!!!

Svo vill þannig til að í dag var ekki neitt planað hjá mér - enginn skóli, engin verkefnavinna, ekkert - svo ég gat sofið út! Boj ó boj það var gott!! Ég var vakin klukkan hálf 3 - ég hef ekki sofið svona lengi síðan - sliced bread!!!! Það er best að sofa!

Allavega, ég ætla að skella mér í sturtu.

Stelpan