Afsakið, vitlaust númer!

Ekki veit ég hvað það er við símanúmerið mitt sem gerir það svona kjörið til að hringja í - en fólk út um allan bæ virðist einhverra hluta vegna hringja sífellt í það að leita að einhverju fólki sem er bara alls ekki og engan veginn í þessu númeri!

Sem dæmi er á síðustu 2 dögum búið að hringja 3x í mig og spurja um einhvern allt annan:
"Ó, bíddu gleymdi Gunni símanum sínum?!" - Nei!!!
"Ha, hver er þetta?!?!" - Hver er ég? Hver í fjandanum ert þú?!
"Já, er þetta hjá rexn (fyrirtæki sem ég man bara ekki hvað heitir)?!" - NEI!!!

Svo beint eftir þjóðhátíð í sumar kom furðulegt tímabil - þá var fólk að hringja í mig dag og nótt að leita að Hákoni!!! Ég spurði einhvern á endanum hver það væri og þá var þetta einhver gaur frá Eyjum! Ég fæ ómögulega skilið af hverju fólk hélt að númerið mitt væri númerið hans!

Svo sumarið þar áður - það var ennþá verra!
Einn daginn fór fólk að hringja like crazy og spurja mig hvort ég sæi ekki um að bóka ferðir á Lagarfljótið!!!
Do I look like a person who would do that?!
Og þetta voru ekkert 2 eða 3 símtöl - við erum að tala um tugi símtala sem bárust á mis-kristilegum tímum! Ein hringdi t.d. eeeeeldsnemma á sunnudagsmorgni þegar ég var nýskriðin heim af djamminu - ég skellti nú bara á hana.
Það endaði með því að ég settist niður og hringdi austureftir og tókst á endanum og finna númerið hjá karlinum sem sér um þessar Lagarfljótsferðir og þá kom í ljós að hann hefði verið í einhverjum bækling og sett númerið mitt sem sitt númer!!!
"Þetta var nú bara smá prentvilla!"
Óvinsældir!!!

Næst þegar einhver hringir og segist hafa hringt í vitlaust númer segi ég:
"Nei, þetta er alveg rétt númer - en ÞÚ ert vitlaus!!!"

Og hafiði það!

Stelpan