Nágrannar

Já, ég vaknaði sko klukkan 8 í morgun og hlustaði á Bubba - Rómeó & Júlía (nokkrum sinnum), Svartur Afgan og fleiri dóplög með honum!
Það skal tekið fram að allt ofannefnt var gert gegn mínum vilja!!!
Pían sem býr fyrir ofan mig er bara out to get me!

Hún hefur gert þetta svona stundum og stundum - á meðan hún er að taka sig til á morgnana þá er kveikt á útvarpinu og hún stillir það svo hátt að það heyrist orðrétt íbúða á milli textarnir í lögunum og það sem útvarpsmennirnir segja - þetta er fáránlegt! Þegar ég er með kveikt á útvarpinu í minni íbúð er ég ekki einu sinni með þetta stillt svona hátt!
Svo núna upp á síðkastið er þetta búið að vera reglan - klukkan 8 er vaknað og útvarpið blastað! Yfirleitt er hún með stillt á FM957 en þó tók hún sig til á þriðjudaginn og hlustaði á Destiny's Child og svo í dag var það Bubbi.

Ok, nú veit ég alveg að klukkan 8 á morgnana flokkast kannski ekki sem neitt brjálað ókristilegur tími - en þegar ég þarf bara að mæta í skólann klukkan 11 þá leyfi ég mér alveg að sofa til 9 - og finnst það bara allt í lagi!
Svo þegar ég er vakin klukkan 8 með þessum líka massa látum - þá er ég ekki kát!

Svo ég ákvað að tala við nágrannann.
Rétt um klukkan 9 er tónlistin alltaf stoppuð - hún fer í pinnahælana sína, skellir hurðinni að íbúðinni eins fast á eftir sér og hún getur (heldur greinilega að hún læsist eitthvað betur við það), hleypur niður tröppurnar og passar að það heyrist nóg í hælunum og skellir svo útidyrahurðinni fast og örugglega!
Í þetta skiptið stoppaði ég hana þar sem hún var að hlaupa niður tröppurnar og sagði við hana að hún yrði að lækka í tónlistinni, þetta væri ekki hægt!
"Bíddu - heyrist eitthvað niður?!?!?!" - spurði hún aaaaaalveg gáttuð!
Já, ég sagði henni að það væri ekki hægt að hugsa hérna fyrir hávaða!
"Óóóóóóóó, heyrðu ég bara fattaði það ekki!!!"

Þetta komment sló mig aaaaalveg út af laginu!
Hún -fattaði ekki- að það heyrast brjáluð læti niður?!?!?!
Hún er með græjurnar sínar stilltar í botn - og hún -fattar ekki- að það heyrist niður?!
Þessi pía hlýtur að vera miklu vitlausari en mig hafði nokkru sinni grunað!

Breytir ekki því að hún sagðist ætla að hafa lægra og so help me - ef ég verð vakin með Bubbagóli eða brjáluðum Destiny's Child bassa næst þegar ég ætla að "leyfa mér" að sofa til 9 - then there will be hell to pay!!!

Stelpan