Framtíðarstarfið

Þar sem próflestur er svona nokkurnveginn hafinn hjá mér þá datt ég að sjálfsögðu inn í að gera eitthvað allt annað.

Ég dundaði mér í smástund í dag á jobpredictor.com en þar getur maður skrifað inn nafnið sitt og séð hvert sitt ideal-starf er!

Sko - ég er ekki mest ánægð með minn starfsframa en samkvæmt þessu ætti ég að verða vændiskona! Veit ekki alveg hvort það sé þar sem áhuginn liggur?! Þetta var t.d. eitt af fáum sem strong-áhugasviðsprófið sem ég tók hér um árið spáði ekki til um svo...
Hey - en hver veit?!

Svo að sjálfsögðu sló maður inn nokkur nöfn og fékk út alls konar störf - tölvunörd, götusópari, sjóræningi, kúreki, forstjóri í flóasirkus og margt fleira!
Og Helga frænka - systir hennar mömmu - hún ætti að verða súludansari!!!

Svo þeir sem ég öfunda dáldið (þ.e.a.s. fengu gjeeeðveik störf) eru t.d. KB og Dagbjört en þeirra ideal-starf er að verða prinsessa!!!
Að sama skapi er Clara öfundsverð en hennar ideal-starf er að verða hafmeyja!!!
Ekki ósvalt það!!!

En samt - besta starfið sem ég rakst á er ábyggilega svalasta starf í heiminum!
Það var sko enginn annar en hann pabbi sem fékk þá spá - en samkvæmt þessum vef þá er ideal-starfið fyrir pabba að verða the Emperor of all the world!!!

Pabbi minn gæti sko rústað pabba þínum!!!

Stelpan