Stelpan

Stelpan endurvakin

2008-04-14T21:36:00.002Z

Jæja - það hlaut að koma að því - mín farin að blogga á ný!

Það sem vakti mig til lífs á ný var póstur sem ég fékk frá "Dot TK registration center".
Þeir eru semsagt búnir að taka upp á því að senda manni póst sem upplistar allar heimsóknir á síðuna manns (þ.e.a.s. .tk síðuna) og láta fylgja frá hvaða landi heimsóknin kemur.

Það sem mér þótti eilítið undarlegt var að heimsóknir á síðuna mína koma frá hinum ýmsustu löndum!
Langflestir koma að sjálfsögðu frá Íslandi - en þar næst koma Bandaraíkin með 6 heimsóknir, Rússland og Þýskaland með 5 heimsóknir hvort, Danmörk með 2 heimsóknir - og svo koma Spánn, Frakkland, Brasilía, Kína og Kólumbía með eina heimsókn hvert!

Þetta þykir mér skemmtilegt og klárlega efni til að hefja einhverskonar "landasöfnun" eða keppni milli landa!
Þannig væri jafnvel hægt að skipta heiminum upp á skemmtilegan hátt - landfræðilega eða bara með því að draga random lönd saman í lið - og hefja einhverskonar "collect all 5" keppni - eða álíka!

Ég er ekki búin að hugsa þetta alveg til enda en svo mikið er víst að þetta verður æsispennandi keppni og mun að líkindum vera lagður meiri metnaður í bloggið en áður í þeirri von að maður nái inn nýjum og spennandi löndum... þó svo ég átti mig ekki á hver í öllum þessum löndum ætli að lesa bloggið... en það er önnur saga!

Annars er það helst að frétta að það er ekkert að frétta! Það er bara nóg að gera og þegar ég kem heim eftir langan og strangan vinnudag þá nenni ég alla jafna ekki að hanga mikið í tölvunni!
Þetta endurspeglast líka í því hversu lítið ég hef verið inni á MSN síðastliðin misseri.

En eins og áður sagði mun verða breyting á þessu í von um að keppnin verði sem allra skemmtilegust!
Endilega segið erlendum vinum ykkar frá því!!!

Stelpan

Fréttaflutningur ársins

2008-01-22T10:09:00.000Z

Alveg er ég sannfærð um að blaðamaðurinn sem skrifaði meðfylgjandi frétt verður tilnefndur til einhverskonar blaðamannaverðlauna fyrir hreint framúrskarandi fréttaflutning.

Fréttin - sem ég tók orðrétt af mbl.is - er á þessa leið:
"Umferðarljósin á gatnamótum Kringlumýrarbrautar og Sæbrautar hafa verið biluð í rúma viku. Verið er að bíða eftir varahlutum í ljósin en ekki liggur fyrir hvenær þau muni komast í samt lag. Lögreglan segir ástandið bagalegt."

Spurning að benda viðkomandi á að huga að öðru framtíðarstarfi...?!

Stelpan

Versti dagur ársins

2008-01-21T17:29:00.001Z

Samkvæmt þessari frétt á mbl.is er dagurinn í dag versti dagur ársins.

Í dag á samblandan af vondu veðri, skuldahala eftir jólin, sviknum áramótaheitum, þrekleysi, lítillar löngunar til að grípa til aðgerða og lélegum launum víst að ná hámarki.

Ekki get ég séð að dagurinn í dag sé eitthvað mikið verri en allir aðrir.
Í gær var ég ekki haldin sérstaklega mikilli löngun til að grípa til neinna aðgerða - og samkvæmt spánni á veðrið að vera verra á morgun en í dag. Ég veit heldur ekki til þess að launin mín breytist mikið frá degi til dags!

En engu að síður getur maður glaðst yfir því að versti dagur ársins er að kvöldi kominn og jafn slæmur dagur mun ekki berja að dyrum fyrr en eftir ár!
Húrra fyrir því!

Stelpan

2008

2008-01-07T19:05:00.000Z

Nú árið er liðið...

Ég gæti tekið mig til og skrifað stuttan pistil um árið sem var að líða og þær væntingar sem ég ber til ársins sem var að byrja... en ég nenni því ekki!

Þeim sem hafa áhuga á að kynna sér árið 2007 hjá mér er því bent á fyrri bloggfærslur.

Hins vegar vil ég benda á nýjan link á síðunni en það er linkur á 3-burana sem hún Ása frímó var að eignast nú í lok desember!
Talandi um krúttsprengjur dauðans!

Einnig er búið að skíra einkaerfingja Svöluson - hann má finna undir nafninu Hilmar Björn Davíðsson hér til hliðar.

Stelpan

Vika í jól

2007-12-17T12:06:00.000Z

Ég er öll í myndböndunum þessa dagana.

Í þetta skipti er það hin klassíska jólaauglýsing frá Kók sem alltaf vekur hinn sanna jólaanda.

Stelpan

Fagur söngur

2007-12-14T18:11:00.001Z

Það yljar manni á illviðrisdögum sem þessum að hlusta á fagran jólasöng.

Því ætla ég að deila þessu myndbandi með ykkur.
Eflaust hafa margir heyrt lagið áður en það er enginn annar en stórvinur minn hann Eric Cartman úr South Park sem hér syngur fyrir okkur "O Holy Night".

Myndbandið sjálft er svosem ekkert til að hoppa hæð sína yfir - en söngurinn er fagur!
Njótið!

Stelpan

Í aðdraganda jólanna

2007-12-12T20:54:00.000Z

Nú - þar sem ég er formlega orðin meistari finnst mér vel við hæfi að deila ögn af visku minni með hinum almenna borgara.

Eftirfarandi lista rakst ég á uppi í Skógarhlíð. Þetta er listi sem ég hef reyndar séð áður en nú get ég staðfest - sem meistari - að allt sem þar stendur er vissulega satt og rétt. Þessi atriði eiga sérstaklega við á þessum árstíma og því er gott að hafa þau í huga.

Matur sem maður borðar þegar enginn sér til hefur engar kaloríur.
Þegar maður borðar með öðrum eru einungis kaloríur í matnum sem maður borðar umfram hina.
Matur sem neytt er af læknisfræðilegum ástæðum (t.d. jólaglögg, heitt súkkulaði, rauðvín o.s.frv.) inniheldur aldrei kaloríur.
Því meira sem maður fita þá sem maður umgengst daglega - þeim mun grennri virðist maður sjálfur.
Matur (t.d. poppkorn, kartöfluflögur, hnetur, gos, súkkulaði og brjóstsykur) sem er borðaður í kvikmyndahúsi eða þegar horft er á myndband er kaloríulaus vegna þess að hann er hluti af skemmtuninni.
Kökusneiðar og smákökur innihalda ekki kaloríur því þær molna úr þegar bitið er í þær.
Allt sem er sleikt af sleikjum, sleifum og innan úr skálum eða það sem ratar upp í mann á meðan maður eldar inniheldur ekki kaloríur vegna þess að það er liður í matseldinni.
Matur sem hefur samskonar lit hefur sama kaloríufjölda (t.d. tómatar = jarðaberjasulta, næpur = hvítt súkkulaði).
Matur sem er frosinn inniheldur ekki kaloríur því kaloríur eru hitaeiningar.

Ég vona að þessi staðreyndalisti gagnist fyrir jólin!
Njótið!!!

Stelpan

Þakkir

2007-12-10T09:33:00.000Z

Ég vil tileinka þessa bloggfærslu mínum ástkæru, yndislegu og frábæru frændum sem lögðu mér lið við sjónvarpsburð hér um daginn.

Af gríðarlegum hetjuskap, dug - og umfram allt - feiknalegri karlmennsku báru þeir sjónvarpið mitt nýja heimila á milli (eða út í bíl og úr bílnum inn á nýtt heimili).
- og fóru létt með það!

Fyrir það fá þeir þakkir!
Kæru frændur... Þorsteinn og Hörður... takk!!!

Stelpan

Sjónvarp

2007-12-06T11:59:00.001Z

Að þessu sinni eru tvær fréttir sem snúa að sjónvarpsmálum heimilisins.

Í fyrsta lagi.
Pabbi tók þá ákvörðun um daginn að nú yrði hann bara að fara að kaupa nýtt, stærra og betra sjónvarp svo þau hjónakornin fóru og keyptu 47" risa flatskjá sem fyllir nú út í ca helming stofunnar.
Þar af leiðandi "þurftum" við systur að hjálpa gamla settinu að losna við hitt sjónvarpið svo það var ættleitt niður á Laugarveg.
Svo - það er komin nýr og betri kassi heim til mín. Fyrir utan svona smáatriði eins og að þetta sjónvarp sé stærra og betra en það gamla þá er ég einkar hrifin af þeim valmöguleika að fjarstýringin virkar á þessu sjónvarpi - það gerir fjarstýringin á gamla sjónvarpinu nefninlega ekki!
Þannig að mikil sjónvarpsgleði hefur gripið um sig í fjölskyldunni!

Nú - hin sjónvarpsfréttin mín er sko ekki minni.
Eins og flestir ættu að vita bilaði sjónvarpsloftnetið í húsinu í ágúst og hefur verið bilað síðan - þ.e.a.s. það hefur ekki verið í boði nein sjónvarpsútsending síðan í ágúst.
Þetta hefur lítil sem engin áhrif á mig þar sem ég horfi yfirleitt alltaf á flakkarann minn en á hann fylli ég með efni sem ég sæki - að sjálfsögðu á löglegan hátt - á netið.
Nema hvað - nú hefur einhver nágranninn fengið sig fullsaddan og ákveðið að hann ætlaði ekki að missa af jóladagskrá sjónvarpsins því þegar ég prófaði að kveikja á digitalinu í gær þá bara virkaði það! Greinilega búið að laga loftnetið!
Húrra húrra!

Svo - nú er ég bæði með nýtt sjónvarp með fjarstýringu sem virkar OG möguleikann að horfa á það sem er í sjónvarpinu!
Þetta þykja mér fréttir!!!

Stelpan

Undarlegt hátterni kvenna í Baðhúsinu

2007-11-19T11:47:00.000Z

Um daginn opnaði nýtt og betra Baðhús.
Í sjálfu sér er þetta alveg sama Baðhúsið en búningsklefinn og afgreiðslan eru ný.
Það eru svosem bæði kostir og gallar við þetta nýja Baðhús en það er ekki umræðuefni dagsins.
Það sem mér liggur á hjarta að þessu sinni eru konurnar í Baðhúsinu - nokkar þeirra að minnsta kosti.

Nýji sturtuklefinn í Baðhúsinu er einfaldur - þetta er bara einn klefi - 4 sturtur á hægri hönd, 4 sturtur á vinstri hönd og 2 á veggnum beint á móti. Fyrir utan sturtuklefann eru svo snagar fyrir handklæði. Mjög simpelt.

Það eru nokkrar konur - fleiri en ein og fleiri en tvær (sem ég hef tekið eftir) og alltaf sömu konurnar sem haga sér - að mínu mati - afar einkennilega að sturtu lokinni.
Þær semsagt sturta sig, skola af sér svitann, þvo sér um hárið o.þ.h.
Að sturtu lokinni slökkva þær á sturtunni, labba fram, ná í handklæðið sitt, koma aftur inn í sturtuklefann, fara undir sturtuna sem þær voru í - og þurrka sér þar.
Þetta þykir mér undarlegt hátterni - þó ekki sé meira sagt!

Svo er það þannig að maður er kannski í sturtunni við hliðina á viðkomandi og þarf alveg að passa sig að skvetta ekki á manneskjuna sem er að þurrka sér!
Og - það sem verra er - maður kemur í sturtu og einhver er að þurrka sér undir einni sturtunni þá þarf maður að bíða eftir að viðkomandi klári til að fá sturtuna!!!
Ég reyndar hef ekki lagt það í vana minn að bíða - ég dónast til að biðja þær um að færa sig - og finnst það eiginlega bara allt í lagi!

En svona í alvöru - getur þetta talist eðlilegt sturtuhátterni?!

Stelpan

Kjánahrollur

2007-11-10T16:00:00.000Z

Alveg finnst mér þessi umræða um negrastráka eða ekki negrastráka fáránleg!

Ég sem krakki las um litlu negrastrákana 10 og aldrei fór heitið eitthvað fyrir brjóstið á mér né vakti upp einhverja sérstaka kynþáttafordóma eða slíkt!

Þess vegna fékk ég nettan kjánahroll við að lesa þessa frétt.
Mér finnst fólk vera að æsa sig allt allt of mikið yfir allt allt of litlum hlut!

Svona í alvörunni - hefur fólk nákvæmlega ekkert annað til að rífast um og gera verður út af?!
Ég nenni allavega ekki að rífast um svo kjánalegan hlut og lýkur þessari umræðu því hér og nú.

Annars er það að frétta af minni að það er bara brjááááálað að gera!
Surprise surprise!
Það virðist ekki skipta miklu máli hversu mikið maður nær að gera á einum degi - í lok dags er óloknum verkefnum einhverra hluta vegna búið að fjölga!
Ég ætlaði til dæmis að fara snemma heim úr vinnunni í gær þar sem hálsbólgan mín var farin að vera með einhver leiðindi og mig langaði bara að skríða undir teppi með heitt að drekka.
Nei það tókst ekki betur en svo að ég gekk út kl. 19:15 í gærkvöldi eftir týpískan 10 tíma vinnudag!
Er líka búin að sitja - sveitt - við að fara yfir skýrslur frá hádegi í dag - einhverja 4 tíma eða svo því ég náði ekki að klára það í vikunni eins og planið var!
Svo - hér með leiðréttist sá misskilningur sem sumt fólk hefur lifað í um að þegar maður er búinn að útskrifast sé maður nánast bara kominn "í frí"!

Varðandi umrædda hálsbólgu þá hófst hún bara sem minniháttar kitl á miðvikudaginn en er búin að vera að sækja á af krafti, sérstaklega síðastliðinn sólarhring.
Skemmst frá því að segja að ég hef akkúrat engan tíma til að vera lasin núna og er því að belgja mig út af sólhatti, vítamínum, hóstasaft, heitu tei og fleira í þeim dúr.
Ég vil meina að með þeim aðgerðum hafi mér tekist að koma í veg fyrir meirháttar veikindi og vona að sama skapi að hálsbólgan verði að miklu leyti farin á mánudag - en þá þarf ég að fara á Laugarvatn að halda fyrirlestur!
Fyrirlestur = raddleysi ekki í boði!

Svo - ef einhver lumar á skyndilausn við hálsbólgu þá er sá hinn sami beðinn um að gefa sig fram!

Stelpan

Heimsókn

2007-11-05T11:55:00.000Z

Já það var sko óboðinn gestur heima hjá mér í morgun!

Ég semsagt vakna, fer fram úr og kveiki ljósið.
Ég sá strax útundan mér að það var eitthvað í loftinu - svo ég gáði...
... viti menn - var ekki silfurskottukvikindi að trítla á loftinu mínu!!!!

Ojjjjjjjjjjjjj - oj - oj - oj!!!

Ég veit að ef einhver annar myndi segja þessa sögu kæmi ég með ótrúlega yfirvegaðan fyrirlestur um það hvað silfurskottur eru meinlausar og þær sé víða að finna og bla bla bla!
En - þegar þetta er í svefnherberginu manns þá einhvernveginn lítur maður öðruvísi á stöðuna!

Vinkonan er nú komin langleiðina út í Atlantshaf - en engu að síður vekur það mér ugg að "þar sem er ein, þar er önnur" og hlakka ég því ekki svo mikið til að fara að sofa í kvöld!

Já ég veit ég er að haga mér eins og kjáni! Satt best að segja hef ég mjög gaman að skordýrum og þykja þau afar athygliverð - en einungis þegar þau eru dáin og búið að þræða þau upp á tein - það á ekki við þegar þau eru inni í svefnherbergi hjá mér eitthvað að dunda sér!
Það er ekki í boði!!!

Stelpan

Halloween!!!

2007-11-01T19:39:00.000Z

Jæja - þá er ég loksins búin að setja inn myndirnar mínar frá kvöldinu.
Einnig eru Hrefna&Ingvar og Clara búin að setja myndir á netið - fyrir áhugasama.

Partýið sjálft var náttúrulega ekkert annað en snilldin ein.
Eins og sést á myndunum var íbúðin vel skreytt - köngulóarvefur, blóðslettur og fleira í þeim dúr.

Og búningarnir voru svo sannarlega ekki af verri endanum!
Þar ber helst að nefna: Wonder Woman, Batgirl, Zoolander og Hansel, Indiana Jones og Lara Croft, special agents Mulder & Scully, Lloyd Christmas (úr Dumb and Dumber), Maverick (úr Top Gun), Heimsborgarinn, gíraffi, hippi, sjóræningjar, nornir, djöflar - og margt fleira eins og sjá má á myndunum!
Svo ber auðvitað hæst að nefna jólatréð sem - eins og lesa má úr síðust færslu - ég var!

Svo var kosið um besta búninginn og voru það special agents Mulder & Scully sem hlutu þann mikla heiður og hlutu þau að launum Halloween-farandbikarinn fyrir besta búninginn!
Vúhúúú!!!

Að gríðarlega góðu partýi loknu var haldið í bæinn og ójá - það fóru sko allir í búning!
Það er alveg óhætt að fullyrða að aldrei hafi ég fengið jafn mikla athygli á einu kvöldi!
Þótti fólki hugmyndin sem og framkvæmd hennar alveg feikilega góð og það voru sko ófáar myndirnar teknar af jólatrénu!

Nú - síðan var auðvitað stiginn dans og ég - upplýst jólatré - lýsti alveg upp dansgólfið!
Svo tóku krakkarnir saman höndum og dönsuðu kringum jólatréð!
Hitt fólkið á dansgólfinu stoppaði og velti því fyrir sér hvað það ætti eiginlega að gera - sumir dönsuðu meira að segja með!
Þetta var náttúrulega bara oooooof fyndið!

So to sum up - brjálæðislega vel heppnað kvöld!

Einnig er gaman að segja frá því - eftir að hafa þurft að "halda í mér" í rúma viku - að Hrefna og Ingvar tilkynntu loksins trúlofun sína formlega!!!!!
Jeeeeeeeyyyyyyyy!!
Til hamingju aftur músirnar mínar!!!

Þannig að - ennþá betra kvöld!!!
Já ég er hrædd um að þetta verði seint toppað!

Hins vegar - það sem ég hef engan áhuga á að toppa voru þrifin daginn eftir!!
Þau voru... mikil - látum þá lýsingu nægja í bili!

Stelpan

Stelpan: meisari, jólatré og sauður!

2007-10-30T20:26:00.000Z

Jú sjáiði til - á laugardaginn var útskriftin mín svo nú er ég formlega orðinn meistari!
Takk fyrir takk!
Ég gerðist meira að segja svo fræg að vera í fréttum sjónvarpsins um kvöldið - að hlusta af mikilli athygli á orð Kristínar Ingólfsdóttur, rektors Háskóla Íslands.
Jájá - þegar maður er meistari verður maður víst að hlusta af áhuga á merk orð mikilla manna og kvenna!
Þó þykir mér líklegra að ég hafi verið að fylgjast með táknmálstúlkinum sem stóð fyrir aftan Kristínu rektor - alveg þótti mér merkilegt að horfa á hana!!!
En það er önnur saga.

Nú - jólatré.
Þannig er mál með vexti að á laugardaginn (já, sama laugardag) héldum við heljarinnar Halloween partý þar sem búningur var skylda!
Þar sem geggjaði búningurinn sem ég keypti á ebay skilaði sér ekki á réttum tíma (vegna þess að seljandinn bara fattaði ekki að ég ætlaði að nota búninginn á Halloween) þá þurfti ég að redda mér nýrri búningahugmynd sem og búningnum sjálfum á innan við degi!
Það gekk líka svona svakalega framar vonum og mætti ég galvösk á Halloween sem jólatré!
Ég á eftir að safna saman einhverjum slatta af myndum frá kvöldinu og þegar þær koma mun fylgja smá saga af gangi kvöldsins, en þangað til getið þið tekið forskot á sæluna með meðfylgjandi mynd en þar má sjá jólatré ásamt Wonder Woman (aka Clara).

Loks var það sauðurinn!
Á morgnana þegar ég fer í Baðhúsið tékka ég alltaf ca 3x á því hvort ég sé nú ekki örugglega með lykla.
Þar sem það er kjánalegt og ég gleymi aldrei lyklunum er ég að reyna að venja mig af þessu.
Það heppnaðist líka svona glimrandi vel þegar ég fattaði kl. 6:50 í morgun uppí Baðhúsi að ég var lyklalaus!
Faaaaaantastic!
Svo mamma fékk þann heiður að hendast í föt og út í kuldann með lykla fyrir mig - eina daginn í vikunni sem hún er að vinna eftir hádegi en ekki fyrir hádegi!
Þegar ég var komin niðrí vinnu fattaði ég svo að ég hafði gleymt símanum mínum heima!
Grrrrrreat!
Stundum er bara einhvernveginn þannig dagur allan daginn!!!

...og þannig var sagan af því!

En fyrir þá sem hafa áhuga á skemmtilegum myndum og frumlegum búningum - stay tuned - myndir koma á allra næstu dögum!

Stelpan/Meistarinn/Jólatréð/Sauðurinn

Jól

2007-10-16T15:03:00.000Z

Þá er það opinbert - það eru að koma jól!

Það er reyndar komið svolítið síðan ég heyrði fyrstu jólahlaðborðsauglýsingarnar - en rauveruleikinn barði ekki að dyrum fyrr en ég fór í Hagkaup áðan.
Þar er verið að taka upp jólaskraut, jólatréskúlur og -toppa og fleira í þeim dúr.

Óóóóójá!
Hinum megin við götuna - í Rúmfatalagernum - var líka búið að taka upp eitthvað af jóladótaríi.
Greinilegt að það þarf allt að vera komið upp ekki seinna en 2 mánuðum fyrir jól!

En ég kvarta ekki - ég er soddan jólabarn og þessar jólaskreytingar og ljósadýrð gera ekkert annað en að gleðja mitt litla hjarta.
Ég verð meira að segja að viðurkenna það að ég fékk örlítinn jóla-gleði-sting í hjartað þegar ég sá skrautið í Hagkaup!

Svo - þeir sem vilja byrja snemma á jólagleðinni fari í Hagkaup.
Hinir sem ávallt pirra sig jafn mikið á því hvað jóladótið kemur snemma - farið eitthvert annað!

Stelpan

Nágrannar

2007-10-03T21:02:00.000Z

Ég hata nágranna mína!
Mér þykir leiðinlegt að þurfa að segja það en svona er þetta bara!

Ég er semsagt að tala um fólkið sem býr á hæðinni fyrir neðan mig og þjáist af einhverjum geigvænlegum heyrnar-sjúkdómi!

Á hverju einasta kvöldi - HVERJU EINASTA KVÖLDI - er kveikt á tónlist eða útvarpi og það stillt aaaaaaaalveg í botn.
Tónlistin sem leiðindanágrannar mínir kjósa að hlusta á er eitthvað á þennan veg:
"Jó mother fu**er, nigga, in da house, nigga, yeah, nigga mother fu**er..."
Þið skiljið hvað ég meina.
Þegar þessi svokallaða tónlist er komin í botn þá er titringurinn af bassanum svo mikill að það koma titrings-hringir í vatnsglasið mitt - svona eins og í Jurrasic Park!
Og ég lýg því ekki!!!

Ég hef stundum þurft að setja iPodinn í eyrun því ég er bókstaflega að ærast úr hávaða - samt er heil hæð sem skilur á milli - mig og tónlistina!
Ég bara get ekki ímyndað mér hversu skaddaða heyrn þetta fólk er með!

Og annað!!! Sem pirrar mig sko ekkert minna!
Þetta lið er alltaf á msn og með tölvuna greinilega tengda í hátalarana þannig að þegar einhver signar sig inn, þegar einhver talar við þau eða einhver sendir þeim nudge (sem gerist allt, allt of oft) þá hrekkur maður við eins og einhver hafi læðst aftan að manni og öskrað hressilega!!!
Það kemur meira að segja fyrir að þau signi sig ekki út þegar þau fara að sofa (ef þau þá fara að sofa) og maður er að vakna við msn-læti um miðjar nætur!!!

Og eitt enn!!! Fyrst ég er byrjuð!
Þetta lið getur ekki - fyrir sitt litla, lifandis líf - lagt bíl í bílastæði!!!
Þau leggja bara þar sem bíllinn lendir!!
Guð í upphæðum hvað það fer sjúklega í taugarnar á mér!!!

Nú á fólk eftir að spyrja sig - af hverju fer ég ekki niður og tala við þau?!
Vitiði - ég veit bara ekki hvort ég eigi eitthvað að leggja í það!
Ég nenni í fyrsta lagi ekki að vera leiðindanágranninn "sem er alltaf að kvarta!!!"
Í öðru lagi þá veit ég akkúrat ekkert um þetta lið - en ég útiloka ekki ruglið! Því til stuðnings þá hefur eigandi þessarar íbúðar lagt sig allan fram í hvert skipti til að finna leigjendur sem eru staddir í ruglinu - and then some!!!

Ég veit samt ekki hversu lengi ég endist við þetta ástand! Kvöldhausverkur er farinn að vera daglegt brauð og því miður - það ER bara ekki í boði!
Hvað segiði - hver ætlar að fara í kjallarann og leysa þetta mál fyrir mig?!

Stelpan

Lífsstílsbreytingar

2007-09-30T17:28:00.000Z

Ég var að lesa þessa grein á mbl.is og það er ekki laust við að ég hafi staldrað augnablik og hugsað mig um.

Það er semsagt verið að tala um brjóstakrabbamein hjá konum og þær lífsstílsbreytingar sem gætu mögulega minnkað líkur á slíku.
Eðlilega er það eitthvað sem maður ætti að reyna að temja sér enda er krabbamein ekkert grín.

Ég ætla að fá að stunda minniháttar ritstuld og taka bara eina málsgrein beint úr greininni:
"Stofnunin mælir með því að konur drekki minna og að sömu meðalþyngd verði náð og árið 1980, þá er mælt með því að konur noti siður hormónalyf. Stærsti áhættuþátturinn er þó öldrun og er því sagt mikilvægt að konur komi í skoðun reglulega. Þá eru konur hvattar til að gefa börnum sínum brjóst, því slíkt er talið draga úr líkum á brjóstakrabbameini."

Hmmm, athyglivert.

Maður á í fyrsta lagi að ná sömu meðalþyngd og árið 1980.
Ég dreg þá ályktun að það sé verið að tala um meðalþyngd kvenna en ekki bara mína þyngd árið 1980 - en í mínu tilfelli var sú þyngd engin!
Finnst þetta kjánalega að orði komið en ég skil samt hvað er verið að meina - þó það mætti svosem alveg fylgja sögunni hver sú þyngd er svo maður viti hvort maður sé innan eða utan þeirrar meðalþyngdar.

Hins vegar það sem greip auga mitt enn frekar og fékk mig til að hugsa var að stærsti áhættuþátturinn væri öldrun.
Þetta er reyndar eitthvað sem ég vissi fyrir en stoppaði þó við þessa setningu þar sem fyrirsögnin var jú: "Mælt með lífsstílsbreytingum til að minnka tíðni krabbameins."

Nú, ég get drukkið minna, haldið mér í 1980 kjörþyngd, gefið ófæddum börnum mínum á brjóst og reynt að forðast hormónalyf - en þetta eru bara minniháttar áhættuþættir. Aðaláhættan liggur í öldruninni.

Og þá spyr maður sig - hvaða lífsstílsbreytingar vinna á öldrun?
Ég er hrædd um að hver sá sem hafi svarið við þeirri spurningu eigi eftir að verða ríkur maður!
Þó eru allar tillögur vel þegnar!!!

Stelpan/Meistarinn

Meistarapróf

2007-09-29T13:04:00.000Z

Í gær var meistaraprófið mitt.
Það fyrsta sem ég gerði þegar ég kom heim eftir það var að gera heiðarlega tilraun til að skera mig á púls!

En byrjum á byrjuninni.

Ég byrjaði á að flytja 40 mín fyrirlestur um verkefnið mitt.
Var búin að fara svo oft yfir fyrirlesturinn að ég kunni hann alveg utanað. Og ábendingarnar sem ég fékk í generalprufunni hjálpuðu mér alveg helling.
Þannig að - ég flutti fyrirlesturinn - svoleiðis eins og atvinnumaður!!!
Mér tókst að forðast það að tala of hratt - ég sagði mjög sjaldan "nú..." og orðin voru ekkert að flækjast fyrir mér og koma öfug út!
Satt best að segja held ég að mér hafi bara sjaldan eða aldrei tekist jafn vel til með fyrirlestur!!!

Nú - eftir fyrirlesturinn var ég prófuð.
Þá var ég semsagt spurð spjörunum úr um ritgerðina og verkefnið sjálft.
AÐ SJÁLFSÖGÐU spurðu þeir ekki neinna spurninga sem ég var búin að búast við og undirbúa mig fyrir. Ég var svoleiðis með stútfullan haus af svörum og útskýringum sem ég ætlaði svoleiðis að blow their minds með - en gafst bara ekki færi á!
Er þetta ekki alltaf svona?!?!
En þeir spurðu mig engu að síður helling af spurningum og ég vil meina að mér hafi tekist bara þokkalega til með að svara þeim!
Stundum bara vissi ég ekki svarið þar sem spurningin var út fyrir mitt verkefni - en þá bara sagði ég það hreint út og það var svosem ekkert út á það að setja.
Annars held ég að ég hafi komið bara tiltölulega vel út úr þessu.

Nú... - að prófinu loknu var mér gefin einkunn fyrir frammistöðuna og viti menn - 8,5 var niðurstaðan!!!
Ekki beinlínis hægt að kvarta yfir því!!!

Já, og þetta með að skera sig á púls.
Þegar vörnin var búin fékk ég risastóran og fínan blómvönd. Þegar heim var komið skar ég undan blómunum og setti þau í vatn og það tókst ekki betur til en svo að hnífurinn rann aðeins til og ég rispaði mig - 5 cm rispu á þumal/lófa/úlnliðinn. Svakalega grunnt - rétt ysta húðlagið - en nóg til að ég þurfti plástur.
Og þannig var sú saga!!!

Svo - your's truly er hér með orðinn meistari!!!
Ég þakka allar heillakveðjur og velfarnaðaróskir í minn garð!!!
Satt best að segja er ég ekki alveg búin að átta mig á því að þessum áfanga sé lokið. Hvað tekur svo við í framhaldinu er ekki alveg ákveðið en engar áhyggjur - um leið og ég hef einhverja hugmynd um hvað það verður þá læt ég vita!!!

Stelpan

Generalprufa

2007-09-27T18:27:00.000Z

Jæja - á morgun er stóra stundin!!!

Það er ekki laust við að það búi stresspúki í maganum á manni þessa dagana.
Púkinn virðist þó stækka og minnka eftir eigin hentugleik!
Stundum er ég svo stressuð að það liggur við sturlun og ég er næstum því farin að gráta af óútskýrðum ástæðum!!! En samt bara næstum því!
Svo koma stundir þar sem ég er svo ótrúlega ánægð með sjálfa mig og hvað ég kann þetta nú allt saman vel.

Áðan tók ég nett stresskast og að miklu leyti pirringskast líka.
Þá stundina fannst mér ég ekki kunna neitt og pirraði mig endalaust á því hvernig á því standi að ég sé að fara í próf á morgun sem ég hef haft 2 ár til að búa mig undir - og ég sé bara algjörlega óundirbúin?!?!?!!!!!!!
Þá stundina langaði mig að rífa fyrirlesturinn í sundur með fylgjandi öskrum og blótsyrðum - og fara svo að gráta!
Mér tókst samt að hemja mig og komast yfir mesta pirringinn - til þess þurfti þó mikið af djúpri öndun og sannfærandi hugsunum um eigið ágæti!

Svo hélt ég smá "generalprufu" áðan.
Þá kom einhver smá hópur fólks saman og hlustaði á mig flytja fagnaðarerindið - og gagnrýndi svo.
Það kom mér dálítið á óvart hvað gagnrýnin var í rauninni minniháttar. Aðallega var verið að setja út á að ég þyrfti að gefa mér lengri tíma til útskýringa og endurtaka fyrir hvað skammstafarnirnar standa.
Þetta þykir mér lítið mál því tíma hef ég - og útskýringarnar og skammstafanirnar kann ég.
Svo kom að sjálfsögðu smá gagnrýni á það hvað ég tala hratt - en það er viðvarandi vandamál sem ég veit af og reyni eftir allra bestu getu að laga.

Eftir þessa generalprufu er ég töluvert rórri.
Ég veit að ég á eflaust eftir að tala of hratt, segja "nú..." allt of oft og hnjóta um einhver orð - eins og alltaf þegar ég er stressuð - en nú er ég í það minnsta sannfærðari um að það sem ég er að tala um komist til skila til áhorfandans og fyrirlesturinn bjóði ekki upp á endalaust magn spurninga sem erfitt er að svara.

Hvað dómarana sjálfa varðar þá ætla ég bara að halda áfram að minna sjálfa mig á að það er ég sem er sérfræðingurinn og allt veit!
Því til stuðnings þá hafði annar prófdómarinn samband við mig í haust (áður en ákveðið var að hann yrði prófdómari) og hann bað mig um að koma upp á Laugarvatn og kenna áreynslulífeðlifræðina fyrir hann því: (I quote) "þú kannt þetta miklu betur en ég!!!"

Samt bið ég ykkur öll að biðja fyrir mér - það getur ekki sakað að hafa þann almáttuga með sér í liði!!!
Og ef allt fer að óskum - sem er nú ansi líklegt - þá mun næsta blogg verða skrifað af meistara!!!

Stelpan

Að yngjast

2007-09-25T10:26:00.000Z

Svo virðist sem ég sé enn meira unglamb en mér hefur fundist upp á síðkastið!

Eftir að the big 25 skall á mér hefur mér fundist aldurinn hreint hellast yfir mig!
Allir í kringum mig eru ýmist að gifta sig eða eignast börn (eða sitt annað barn eða jafnvel það þriðja!) og vinkonu minni (sem er ári yngri en ég) var um daginn bent á það af snyrtifræðingi að hún þyrfti að fara að nota augnkrem á nóttunni!!!

Nema hvað - er búin að sitja yfir fyrirlestrinum mínum í morgun og eftir fyrstu yfirferð leyfði ég mér að gera eitthvað uppbyggilegt á netinu svo ég fór inn á B2.
Þar til hægri sá ég auglýsingu fyrir Martini (áfengið) og þar sem ég hélt að áfengisauglýsingar væru bannaðar ákvað ég að smella á linkinn og skoða auglýsinguna.
Þar kemur upp síða þar sem mér er gert að skrá inn fæðingardag, -mánuð og -ár sem og landið sem ég bý í - til að þeir geti staðfest að ég hafi aldur til að skoða auglýsinguna.
Ég skrái mínar tölur samviskusamlega inn og fæ þetta svar:
"Sorry, due to legal restrictions on marketing alcoholic beverages in your country of residence, we are unable to provide you with access to this website."

Svo virðist sem ég hafi ekki aldur til áfengiskaupa hér á landi!
Það þykir mér magnað!
Nú þarf maður bara að fara að fá lánuð skilríki eða gá hvort það geti ekki einhver "reddað" manni fyrir helgina!!!

Stelpan

p.s. Einungis 3 dagar í dómsdag!!!
Stress að nálgast hættumörk!!!

Mikilvægi

2007-09-22T16:32:00.000Z

Stundum þegar ég er í Baðhúsinu (áðan til dæmis) sé ég að konur/stelpur eru með gsm-símann sinn með sér á meðan þær eru að púla.
Þetta þykir mér undarlegt hátterni.

Nú vil ég meina að ég sé ágætlega mikilvæg manneskja. Allavega það mikilvæg að ég er alltaf með símann á mér ef einhver skyldi þurfa að ná í mig.
Hins vegar geri ég mér fulla grein fyrir því að mikilvægi mitt er ekki af þeirri stærðargráðu að ég neyðist til að hafa símann í höndinni allar stundir dagsins!
Áðurnefndar manneskjur gera sér klárlega ekki grein fyrir því.

Ef ég væri að bíða eftir símtali sem gæti gert útslagið um milljarða samning eða snérist bókstaflega um líf eða dauða - þá myndi ég taka símann með mér í gymið.
Annars ekki!

Ég hef stundum gert það - bara fyrir forvitnissakir - að skella á pásu á iPodnum þegar ég heyri síma hringja - og hlusta á símtalið.
Aldrei hef ég heyrt samtal sem virðist snúa að stórum samningum eða lífi/dauða.

Samtölin eru yfirleitt eitthvað á þessa leið (höfum í huga að ég heyri bara annan helming samtalsins):
"Hæ... nei bara í gyminu"
"Hahaha... nákvæmlega... einmitt"
"Já er það... fyndið... en varstu búin að heyra með Gunnu?!"
"Ja ég allavega heyrði að þau væru hætt saman..."
"Nákvæmlega... hahaha... segðu..."
"Nei búin að vera í 20 mínútur ætla svo bara heima að læra..."
"Já nákvæmlega..."
"Ok, heyri í þér seinna"

Sá sem telur að þetta símtal hafi enga bið þolað og trúlega gert útslagið um það hvort einhver lifði eða dó - vinsamlegast rétti upp hönd!

En þrátt fyrir hvað þetta er kjánalegt þá er ekki hægt annað en að brosa að þessari vitleysu. Vonum bara að þegar hringt verður í þær út af einhverju verulega mikilvægu málefni verði þær með símann við höndina - annað væri bara svekk!

Stelpan

p.s. 6 dagar í dómsdag!

Hneyksli

2007-09-19T14:12:00.000Z

Fyrirgefið - ég er bara ekki að jafna mig á þessari frétt!

Hvað hérna... HVAÐ?!?!?!
Hvernig geeeeeeeta svona mistök átt sér stað?!?!?!
Er stefnan sett bara svona sirka og svo bara lent á fyrsta flugvelli sem birtist?!?!

Nú er ég enginn flugmaður en ég þori nánast að fullyrða að flugvellirnir á Akureyri og Ísafirði eru ekki alveg eins! Og aðflugið að þeim er svo sannarlega ekki eins!!!

Eftir að hafa horft á þessa frétt í dágóða stund ákvað ég að tékka og nei - það er ekki 1. apríl í dag!
Þessi frétt er for real!

Ég get bara ekki ímyndað mér hvernig þetta hefði farið ef hinn árvökuli slökkviliðsmaður frá Akureyri hefði ekki verið í vélinni og bent á mistökin!
Þeir hefðu þá hvað - lent vélinni og farið að flytja sjúklinginn áfram!
Á hvaða tímapunkti skyldu þeir hafa áttað sig á að þeir voru í raun á Akureyri en ekki Ísafirði?!
Maður spyr sig!

Og annað - aftur, ég er ekki flugmaður - en eiga ekki að vera svona flugturnar sem maður þarf að tékka sig inn við áður en maður lendir og eitthvað?
Nei maður spyr sig!

Mér þykir þetta alveg hreint yfirgengilega merkilegt - svo ekki sé meira sagt!

Stelpan

p.s. Ennþá 9 dagar í dómsdag!

Niðurtalning í dómsdag

2007-09-19T10:16:00.000Z

Jæja, loksins loksins - eftir ítrekaðar beiðnir og áminningar - er búið að negla niður tímasetningu fyrir mastersvörnina mína!

Sú tímasetning er föstudagurinn 28. september kl. 16:15.

Það þýðir að eins og er stendur niðurtalning í dómsdag í 9 dögum.

Ég er svona aðeins farin að stressa mig yfir þessu þó ég hafi fulla trú á því að ég eigi eftir að rúlla þessu upp!
Ég er komin langt með fyrirlesturinn sjálfan - á bara eftir að fara yfir hann ca 100 sinnum - bæta og breyta og skrifa inn þau comment sem þurfa að koma fram o.þ.h.
Jú, svo þarf ég líka að leggjast aðeins yfir tölfræðina - svona EF prófararnir skyldu taka upp á því að krítisera hana eitthvað!

Svo hef ég upp á síðkastið - og mun halda því áfram næstu 9 dagana - að rökræða og pæla við sjálfa mig um þær ýmsustu spurningar sem upp gætu komið.
En það sem ég hef mestar áhyggjur af eru ekki þær spurningar sem eru tiltölulega augljósar og maður er að búast við. Nei, ég hef áhyggjur af þeim spurningum sem ég býst bara alls ekki við!
Veit það af reynslu að það verður ekki spurt um það sem ég held að verði spurt um - heldur eitthvað allt allt annað sem aldrei hefur hvarflað að mér að hugsa um!

En - ég trúi því í mínu hjarta - að dómararnir eigi eftir að vera sanngjarnir og að ég eigi eftir að standa mig eins og hetja!

Annars kemur það í ljós eftir 9 daga!!!

Stelpan

FedEx SÖKKAR!!!

2007-09-17T15:35:00.000Z

Aldrei - aldrei senda nokkurn skapaðan hlut með FedEx!
Allavega ekki ef þið viljið að viðkomandi sending endi á áfangastað!!!

Nína fór til Kína og gleymdi að stússast eitthvað fyrir Íbúðalánasjóð.
No biggie - hún sendi bara umboð heim og ég sé um það fyrir hana.

Eða það hefði maður haldið!!!

Þegar hún fattaði klúðrið sendi hún umboð í hendingskasti með FedEx og passaði sig á því að það væri sent í Priority mail - bara svona just in case.
Það átti að taka ca 3 daga fyrir þetta að koma heim.
Núna eru 10 dagar síðan það var!

Hún fór að spurja hvort ég hefði ekki fengið bréfið og svona - ég hafði ekki heyrt tangur né tetur af þeim svo ég fór að grenslast fyrir með því að rekja sendinguna.
Viti menn - bréfið kom fyrir viku síðan til landsins.
Síðan þá er það búið að sitja niðrá FedEx!

Það er ekki búið að koma með það til mín, það er ekki búið að skilja eftir miða - það er ekki búið að gera neitt!!!!!
Og það er búið að bíða í viku!!!!!!!!!!!!!!!!!!!!!!!!!!!!!!!!!!!!!!!!!
Samt var það merkt PRIORITY!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Og - rúsínan í pylsuendanum - þetta er í annað skipti sem þetta gerist hjá FedEx!!!
Síðast beið pakkinn minn í 10 daga niður frá hjá þeim þangað til ég fór og sótti hann!!!

Vitiði - ég var svo reið!!!
Ég var svo sjúklega brjálæðislega reið!!!!!!!!
Ég fór í FedEx (sem er by the way í Hafnarfirði og alls ekki í leiðinni) - fékk að tala við einhvern yfirmann þarna og svoleiðis hellti mér yfir hann!!!
Ég alveg skalf ég var svo reið!!!

Hann var náttúrulega eins og rakki með skottið á milli lappanna og gat ósköp litlu svarað.
Þegar ég sagði honum að þetta væri í annað skiptið sem þetta gerðist varð hann ennþá aumingjalegri!!!

En svona Í ALVÖRU!!!!
Er þetta hægt?!?!?!?!?!

Það er alveg óhætt að segja að ég muni aldrei aldrei aldrei versla við FedEx og skora ég á ykkur hin að gera slíkt hið sama því þið getið aldrei verið viss um að sendingin hafi komist til skila!!!

Stelpan

Trip down memory lane

2007-09-13T19:24:00.000Z

Vá vá váááááá!
Ég var að horfa á svo ótrúlega skemmtilegt myndbrot á youtube!!!

Ég semsagt fór inn á hinn geysigóða afþreyingarvef panama.is og þar var verið að lista upp teiknimyndir síðan maður var lítill.
Sumar teiknimyndirnar kannaðist ég nú ekki við - en aðrar voru í miklu uppáhaldi.
Þar má nefna Kærleiksbirnina, Tuskudúkkurnar, Turtles, Mæju býfluga, fílinn Nellý og fleiri góðar.

En það sem vakti hvað mesta gleði í hjarta mínu var að horfa á intróið fyrir Bangsa bestaskinn!!!
Vá hvað hann var skemmtilegur!
Nína átti Bangsa bestaskinn og hann var BESTA dótið!!! Við hlustuðum á hann - aftur og aftur - þangað til hann dó blessaður. Eða mig minnir að hann hafi á endanum bilað. Kannski var hann bara sendur á búgarð í sveitinni... hvað veit maður!

En fyrir þá sem vilja ylja sér um hjartarætur í haustóveðrinu þá mæli ég eindregið með því að þið kíkið á Bangsa bestaskinn eins og eina ferð!
... það er að segja ef þú horfðir einhvern tímann á Bangsa bestaskinn ... ef ekki þá gætirðu haft lítið upp úr krafsinu annað en kjánahroll!

Stelpan

Enn af skúrkunni

2007-09-13T12:54:00.000Z

Ég veit það fyrir víst að margir þeirra fáu sem lesa þessa síðu að staðaldri eiga eftir að gleðjast við þennan titil - en fátt þykir fólki skemmtilegra að heyra um þessa dagana en skúrkuna góðu!

Daginn eftir klagið mikla mætti ég í vinnuna og nema hvað - fyrir utan húsið stendur skúrkan, að tala í símann og reykja! Og já - hún sendi mér illt auga!
Ég flokkaði það sem hennar vandamál og fór ánægð inn til mín!

Síðan þá hefur fröken skúrka bara ekki sést á svæðinu heldur er ný manneskja mætt - ég er meira að segja ekki frá því að sú sé af íslensku bergi brotin!
Ég veit ekkert hver sú gamla fór - hvort hún er í fríi, hvort hún hafi verið látin flakka eða hvort hún hafi farið í fýlu og hætt.
Satt best að segja er mér alveg sama - ég er bara ánægð að geta unnið inni hjá mér!

En það er alveg með ólíkindum hvað fólki finnst gaman að heyra um skúrkuna - best þótti mér það sem Þorsteinn frændi hafði um málið að segja:
"Svona skúrkur þurfa náttúrulega að þekkja sín mörk!"
Dead on!
Já frændi átti svo sannarlega kollgátuna.

En - ég læt ykkur vita hvernig fer með nýju skúrkuna og hvort þessi gamla snúi aftur... í næsta þætti af - Skúrkunni!!!
Da da daaaaaaaa!!!

Stelpan

Haust

2007-09-12T13:52:00.000Z

Hafi einhver verið í vafa um það hvort sumarið væri búið þá hefur það hér með fengist staðfest!

Þvílíkt og annað eins soraveður hefur ekki sést á klakanum í háa herrans tíð!
Það var ekki mikill afgangur af því að ég yrði hreinlega úti á leiðinni út í bíl í morgun!!!

Svo heyrði ég í mömmu áðan - hún og pabbi eru á Flórída.
Hún fór að tala um veðrið þarna úti - það væri nú ágætis hiti, um 30°C - en ekki nógu mikil sól að hennar mati, það væri nú ekki alveg nógu gott!!!

Right - ég lýsti fyrir henni aðstæðum hérna heima og hún dró óánægju sína með Flórídaveðrið snögglega til baka!

Hafið það í huga næst þegar þið eruð í útlöndum og veðrið er ekki alveg eins og þið vilduð - það er nær undantekningalaust verra hér heima!!!

Stelpan

Reunion

2007-09-10T11:33:00.000Z

Loksins loksins!

Eftir undirbúning sem staðið hefur frá því í byrjun maí var reunion útskriftarárgangs 2002 úr Verzló loksins haldið nú á laugardaginn!

Það er skemmst frá því að segja að gleðin var gríðarleg og þrátt fyrir miklar væntingar gekk kvöldið enn betur en bjartsýnustu menn höfðu þorað að vona! Er því óhætt að fullyrða að skipulagsnefnd eigi skilið gott klapp á öxlina fyrir job well done!

En - ég ætla ekki að fara nánar út í gang kvöldsins heldur bendi ég fólki bara á að það eru komnar inn myndir - en myndir segja jú meira en þúsund orð!

Stelpan

Beam me up Scotty!

2007-09-06T22:08:00.000Z

Í eitt einasta augnablik hvarflaði að mér að við stæðum undir innrás utan úr geimnum!
En bara í eitt einasta augnablik!

Þegar betur var að gáð kom í ljós að þetta var bara friðar-ljós-súlu dæmið hennar Yoko Ono sem skein þarna langt upp í himinnblámann.
Ég veit ekki alveg hversu hrifin ég er af súlunni - ég sé ekki alveg tilganginn - og sé alls ekki hvernig risa ljóssúla getur verið eitthvað sérstakt friðartákn. Af hverju ekki bara að eyða peningunum í eitthvað annað og viturlegra - eitthvað sem hefur þó ekki sé nema hinn minnsta tilgang.
Nei ég er hrædd um að þetta sé bara ljósmengun og ekkert annað!

En góðu fréttirnar eru að geimverurnar eru ekki lentar - við getum í það minnsta huggað okkur við það!

Stelpan

Klag

2007-09-06T11:15:00.001Z

Meira af skúrkunni.

Eftir að hafa rætt málið við Nönnu kom í ljós að þegar ég var í Ameríkunni (um það bil þegar Nanna var að byrja að leggja leið sína hingað niðreftir) var skúrkan ansi oft inní herbergi í tölvunni eða bara almennt að slæpast. En, þar sem ég var ekki á svæðinu þá kunni hún ekki við að vera dónaleg og bara sætti sig við skúrku - þó hún væri að horfa á pólska bíómynd með hljóðið á!

Í gær þegar ég kom niðrí Skógarhlíð situr skúrka - aftur - í stólnum mínum.
Ég bara labbaði inn, tók af mér draslið, kveikti á tölvunni og fór að taka mig til - hún á endanum áttaði sig á því að þetta var mín leið til að reka hana út - og fór.

Í morgun þegar ég kom situr hún - AFTUR - í stólnum mínum! Með lappir uppi á borði að leggja kapal í tölvunni og borða samloku.
Ég gerði það sama aftur - tók af mér draslið, kveikti á tölvunni og fór að taka til draslið mitt.
Og hvað gerir skúrkan - ekkert!
Hún sat bara áfram, með lappir uppá borði, étandi samlokuna í mestu makindum og dundaði sér við kapalinn sinn!! Bara eins og hún væri stödd heima í stofu hjá sér! Og hún sýndi sko engin merki þess að ætla að fara - jafnvel þótt hún sæti Í STÓLNUM MÍNUM!!!!!

Þetta var dropinn sem fyllti mælinn!
Ég gerði það eina í stöðunni!!
Ég klagaði!!!

Ég fór niður - talaði við yfirvaldið - og innan fárra mínútna var búið að reka hana út!
Og hafiði það!!!

Nú er bara að bíða og sjá hvað hún gerir á morgun - því eins og þetta fór í taugarnar á okkur Nönnu þá þótti yfirvaldinu þetta ennþá verra og ég veit ekki upp á hverju verður tekið ef hún heldur áfram uppteknum hætti!

Já þið skuluð bara passa ykkur að halda ykkur á góðu hliðinni hjá mér því eins og glögglega má sjá þá er ég sko ekki yfir það hafin að klaga!!!

Stelpan

Frökk skúrka og Ameríka

2007-09-04T11:42:00.000Z

Það er alveg með ólíkindum hvað fólk getur leyft sér!

Ég kom hingað niður í Skógarhlíð áðan eins og svo marga morgna áður og fer inn á "skrifstofuna" mína.
"Skrifstofan" mín er semsagt herbergi sem er sérætlað meistarnáms- og doktorsnemum. Það inniheldur skrifborð, 2 stóla og hillur.
Og þar sem ég er búin að vera hér í tvö ár - og vera eini neminn í þokkabót - þá hef ég komið mér ágætlega fyrir. Bókunum mínum og möppunum er raðað þægilega í kringum mig, síminn er við höndina og viftan á góðum stað. Þetta er allt saman við gluggann og ég sit á þægilegri stólnum af þessum tveim.
Svo er reyndar kominn annar meistaranemi en það er ekkert vandamál - nóg pláss fyrir hana og er hún búin að koma sér fyrir líkt og ég með bækur, blöð og dótarí í kringum sig.

Nema hvað - ég kem inn á skrifstofu sem að þessu sinni er opin - þetta herbergi er alltaf lokað og læst. Í sætinu mínu og við borðið mitt situr skúrkan!
Já, þetta er sama skúrkan - þessi útlenska sem er alltaf að tala í símann!
Það er skemmst frá því að segja að hún á hvorki eitt né neitt að vera þarna inni nema bara ef hún er að þrífa (sem hún hvort sem er gerir ekki)!

Ég stóð í ca 10-15 sekúndur og bara horfði á hana og já - beið eftir því að hún myndi skammast sín og fara - en ónei! Hún fór sko ekki neitt! Hún sat bara í tölvunni og lagði kapal!
Nanna (samnemandi minn) var ekki þarna svo ég bara settist í hennar sæti - ekki alveg að vita hvað ég ætti að gera eða segja - því reynslan hefur sýnt að skúrkan talar ekkert af þeim mannamálum sem eru töluð hérlendis - og hún hreint og klárt vill ekki skilja þig!

Ok - hún var totally out of line en það var annar stóll þarna svo ég settist bara þar og tók upp mitt drasl.
Nema hvað - þá hringir hjá henni síminn - og hún fer að kjafta!
Þá var ég pirruð!!!!!
Ég er inni á "skrifstofunni" minni og það er ekki vinnufriður því skúrkan er að tala í símann!!!!!

Sem betur fer fór hún stuttu seinna því ég var alveg að springa og það er alveg klárt mál að ef hún kemur aftur hingað inn til að gera eitthvað annað en að tæma ruslið - þá fær hún orð í eyra! Hvort sem hún skilur það eða ekki!!!
Og hana nú!!!

Svo er það Ameríkan.
Ég held það þurfi varla að taka það fram að Ameríkan var yndisleg!!!
Það eina sem dró aðeins úr var hvað það var heitt - rúmlega 30° suma dagana - en það er náttúrulega ógeð ef maður er ekki í bikiníi við sundlaugarbakkann!

En við gerðum margt og sáum margt - fórum t.d. til New York - sem var AWESOME!
Vorum þar í 2 sólarhringa og á þeim tíma skoðuðum við Frelsisstyttuna, Ground Zero, Central Park, Empire State, Rockafeller Center, fórum á Broadway sýningu (Hairspray - það var ÆÐI) auk þess sem við röltum endalaust um og skoðuðum - og kíktum að sjálfsögðu í nokkrar búðir!!!

Síðan fórum við upp í sveitina líka - gistum á þessu stóra, fína sveitahóteli.
Þar lentum við í svaka ævintýri - þrumur og eldingar og úrhellisveður - rafmagnsleysi í kjölfarið og heljarinnar vesen - náttúrulega allt gaman bara!

Nú og svo var kíkt í nokkrar búðir til viðbótar!
Eftir það kíktum við í tvær-þrjár búðir.
Og komum svo við í búð á leiðinni heim!!
To sum up - ég keypti mikið!!!
Ég fattaði það ekki fyrr en ég var að pakka ofan í nýja, geðveikt flotta ferðatöskusettið mitt að ég var búin að kaupa svoldið miiikið mikið!! En það er náttúrulega bara jákvætt!

Þeir sem vilja fá nánari ferðasögu og útlenskt nammi (súkkulaði úr Hersey búðinni) eru velkomnir í heimsókn við tækifæri!

Stelpan

Skilaboð

2007-08-23T12:15:00.001Z

Síðustu vikur er búið að vera hreint og beint brjálað að gera.
Ég er náttúrulega búin að vera að leggja lokahönd á ritgerðina mína blessuðu og hefur það alveg tekið sinn toll!
Svo er ég líka búin að vera að leysa af niðrá Fasteignasölu hjá pabba - þar er búið að vera svo fáránlega brjálað að gera - á tímabili leit út fyrir að það yrði hreinlega uppselt!
Síðan var náttúrulega stórafmæli, Nína að fara til Kína og einhvernveginn allt að gerast!

Þannig að - í öllum æsingnum virðast tveir hlutir alveg hafa farið framhjá mannskapnum!

Í fyrsta lagi - já, ég er búin að skila ritgerðinni - hún er í prentun í þessum töluðu (skrifuðu) orðum!
Svo reyndar, út af öllum æsingnum og öllu því sem er að gera fylgdi því engin sérstök tilfinning að klára báknið og senda það frá mér. Ætli það komi ekki frekar þegar ég verð búin að verja kvikindið! Það er nú ekki komin dagsetning á það en það verður seinnipartinn í september.
Þá ættu allir að vera með það á hreinu!

Nú - hinn hluturinn sem fólk virðist ekki vita nógu vel af er að ég er að fara til Ameríkunnar í fyrramálið!
Engar áhyggjur, ég er ekkert að flytja eða neitt þannig, bara vikufrí með M&P og Elfu frænku!
Lovely!!!
Planið er að þvælast eitthvað um þarna í nágrenni Boston - og svo að fara niður til New York í nokkra daga!!!!!
Veeeeerulega spennandi!
Ég hef aldrei komið til NY og er því megaspennt fyrir þeirri ferð!

Ooooooh - alveg get séð mig í anda trítla um götur New York borgar - í nýju fínu kápunni minni eins og klippt út úr Sex and the City!!!
Spennandi spennandi spennandi!

Stelpan

Afmæli

2007-08-19T22:33:00.000Z

Já gott fólk, í dag á ég afmæli!
Og það er ekkert smá afmæli - 25 ár komin í reynslubankann!

Annars er sá böggur á þessum annars ágæta afmælisdegi að síminn minn er í einhverri fýlu og hleypir bara smsum af handahófi í gegn!
Er búin að vera að fá sms í dag sem voru send í gær - er ekki búin að fá sum sms sem voru send í gær og fyrradag - og - þau fáu sms sem ég hef fengið í dag koma öll 5 tímum eftir að þau eru send!
Hallæri!
Talaði við einhvern gaur hjá símanum og hann gat voða lítið gert fyrir mig - en hann reyndi, hann má eiga það.

Svo - gegn eigin vilja er ég hrædd um að ég sé í einhverjum tilfellum dónalega afmælisbarnið sem svaraði ekki afmælis-smsinu!

Annars voru nú svo fáránlega margir í afmælisveislunni hér í gær að það eru kannski ekki svo margir eftir að senda kveðju - en þó...
Svo - ef þú sendir mér kveðju og ég svaraði ekki þá biðst ég afsökunar á því og þakka fyrir mig!!!

Stelpan

Elliglöp

2007-08-14T15:02:00.000Z

Nú vilja flestir meina að ég sé ekkert svo svakalega gömul - but I beg to differ!
25 ára afmælisdagurinn nálgast nú eins og óð fluga og ég hreinlega finn aldurinn hellast yfir mig!

Því til stuðnings fylgir eftirfarandi saga:
Á leiðinni heim úr vinnunni í gær kom ég við í Nóatúni til að kaupa helstu nauðsynjar: skyr, banana, flatkökur o.þ.h.
Að auki vantaði eldhúsrúllur og handsápu inn á bað - svo ég keypti það.

Það var því hreint gríðarlega þungt andvarp þegar ég tók upp úr pokanum heima og fattaði að ég hafði keypt uppþvottalög í staðinn fyrir handsápu!!!

Þar sem ég stóð með uppþvottalöginn velti ég því fyrir mér hvernig í veröldinni þetta hafði gerst!
Ég labbaði inn ganginn í leit að handsápu en labbaði út með uppþvottalög - ferlega ánægð með sjálfa mig að hafa munað eftir því!

Ég held það sé ekki seinna vænna en að fara að panta pláss á Grund því það er klárt mál í hvað stefnir!

Stelpan

Andrésína á útsölu

2007-08-04T14:16:00.000Z

Sagan hefst á því að Nína systir fór í Sorpu um daginn með eitthvað drasl og inní Góða Hirðis-gámnum sá hún tvo stóla sem hún hreinlega varð að eignast!

Nema hvað, daginn eftir fer hún í Góða Hirðinn. Stólarnir voru þá ekki komnir en stelpan sem var að vinna þarna sagði að þeir kæmu með gámnum daginn eftir.
Gott mál.

Nína kemur heim og spyr mig hvort ég komist með henni þegar það opnar kl. 12 daginn eftir.
Jújú - ég kemst svosem alveg... en af hverju þarftu mig með - þetta eru bara 2 stólar.
Þá kom Nína með einhverja sögu um hvað það hefði verið brjálað mikið að gera þegar hún fór, fólk í biðröðum og bara eitthvað rugl svo hana vantaði backup svo hún myndi nú örugglega ná stólunum en ekki einhver annar.
Ok - róum okkur í ýkjunum skilurðu - en ég samþykkti að fara með henni daginn eftir á hádegi.

Guð minn góður!
Við komum ca 5 mínútur í 12 og þá voru um 20 manns í biðröð (hrúgu) fyrir utan Góða Hirðinn.
Það verður að segjast að mér fannst þetta allt saman óttalega kjánalegt og hló mikið að okkur sem og öllum hinum í röðinni.
Svo bara fylgdist ég með fólkinu streyma að og rétt áður en opnaði tók ég smá skynditalningu og ég grínast ekki með það - það voru í minnsta lagi 50 manns að bíða óþreyjufull eftir að það myndi opna.

Svo loksins var hurðin opnuð og þá fyrst hófst brjálæðið!
Fólk hreint og beint ruddist inn um dyrnar!
Ein eldri, virðuleg frú var ein af þeim sem ruddist inn - en svo var veskið hennar fast á milli hurðar og einhvers sem var fastur í hurðinni! Kellingin nærri dottin, öskrandi og togandi í veskið á meðan fólk reyndi að troða sér inn - svo var hún næstum því tekin niður þegar viðkomandi slapp inn, veskið losnaði og múgurinn kom fljúgandi inn!
Ég persónulega tók bara nettan tónleikafíling á þetta - maður bara lyfti sér aðeins upp og þá flaut maður bara með inn!
Svo þegar inn var komið þá minnti stemmningin svoldið á leikinn sem var einhvern tímann í den - fólk fékk kerru í Hagkaup (minnir mig) og það mátti troða eins mikið af mat og það gat í hana á ákveðnum tíma!
Fólk hljóp þarna milli rekka og leitaði af áfergju eins og það væri fjársjóður falinn í búðinni eða eitthvað - þetta var alveg með ólíkindum!

Við Nína náttúrulega fórum inn að sófa/stóla sectionið og viti menn - stólarnir ekki þar!
Svekk!
Svo Nína fór og talaði við sömu stelpuna aftur - nema hvað - hún hafði tekið stólana frá fyrir okkur og þeir biðu inn á lager!
Þetta kallar maður þjónustu!
Svo við borguðum stólana og létum okkur hverfa bakdyramegin út úr the madness!!!

Vitiði - þetta var alveg hreint ótrúlegt! Ég hélt að Nína hefði verið að ýkja stórlega þegar hún sagði að fólk biði í röðum og allt það en ónei!
Ég bara... ég bara... maður bara áttar sig ekki á þessu!

Þetta minnti bara á það þegar Andrésína Önd fer á útsölur - kellingarnar rífa og tæta í allt sem þær sjá - og allir koma marðir, bláir og beinbrotnir út - en þó búnir að græða geðveikt á útsölunni!

Og þetta var sagan af því þegar við Nína keyptum nýja stóla í Góða Hirðinum!

Stelpan

Nörd

2007-08-02T13:07:00.000Z

Ég verð bara að viðurkenna það að ég hreint dauðsé eftir að hafa ekki fylgst með þáttunum Beauty and the Geek.
Þeir eru reyndar sýndir á stöð 2 svo það er ekki alveg mér að kenna.

Það var verið að endursýna þessa þætti á fimmtudagsmorgnum og ég náði lokaþættinum í síðustu viku og "eftir á" þættinum í morgun í Baðhúsinu.

Je - minn!!
Guð hvað þetta var yfirgengilega fyndið!
Á tímum átti ég bágt með að halda mér á brettinu ég hló svo mikið - en þetta er náttúrulega erfitt að því leytinu til að maður getur eiginlega ekki hlegið mikið upphátt, maður þarf svoldið að bæla þetta niðri. Ég vil ekki vera þekkt sem stelpan sem hlær alltaf geðveikt hátt að lélegu sjónvarpsefni í Baðhúsinu!

En anyways - Beauty and the Geek er bara fyndið!
Sumir af þessum gaurum (aðallega einn þó) eru svo ævintýralega miklir lúðar að maður bara gerir sér ekki grein fyrir því að það skuli vera hægt í lifandis lífi!
Og svo voru sumar stelpurnar náttúrulega alveg fáránegir kjánar - en ég trúði því nú svosem alveg!

Annars var boðskapur þessa bloggs ekki meiri - ég bara hvet alla sem tækifæri hafa til að fylgjast með þessum snilldarþáttum.

Stelpan

Blogg

2007-08-01T20:05:00.001Z

Nú er ég ekki búin að blogga í þónokkurn tíma og það er ekki vegna tíðindaleysis nema síður sé!

Nei ég hef komist að þeirri niðurstöðu - eins og svo margir aðrir á undan mér - að það les aldrei neinn þetta blessaða blogg! - nema Gunna!

Veit ekki hvort um er að kenna lélegum penna eða lélegum lesendum...
... ég held ég kjósi að kenna lesendum frekar um þar sem mér finnst bloggið mitt hreint alveg stórskemmtilegt!

Allavega - þið misstuð svosem ekki af miklu - stærsta fréttin þessa dagana eru væntanleg ritgerðarskil.
Ég bara er engan veginn að átta mig á því að þessu muni öllu saman ljúka eftir einhverjar 2 vikur!
Ég sit og hef áhyggjur af "öllu því sem á eftir að gera" - því það hlýtur að vera alveg ótrúlega margt eftir - en í rauninni er þetta allt að smella saman.
Ef guð leyfir verður ritgerðinni skilað innbundinni og algjörlega tilbúinni þann 16. ágúst og ég geri mér hreinlega ekki grein fyrir því hvernig sú tilfinning mun verða! Það verður víst að koma í ljós þá!

Og ef einhver rekur augun í svo mikið sem stafsetningarvillu í ritgerðinni eftir að henni verður skilað þá er viðkomand bannað með öllu að benda mér á það því ég mun að eilífu vera pirruð!

En, í ljósi þess að það les þessa færslu trúlega enginn ætla ég ekki að hafa fleiri orð um það.

Stelpan

Finnland

2007-07-17T13:50:00.000Z

Jæja, þá er skvísan komin aftur frá Finnlandi þar sem hún sótti og tók virkan þátt í 12. ráðstefnu ECSS (European College of Sport Science fyrir þá sem vilja vita).
Það þarf varla að taka það fram að ég rúllaði upp kynningunni sem ég hélt og var landi og þjóð til sóma!

Tilgangur þessa bloggs er nú ekki að ræða ráðstefnuna sjálfa út í þaula enda þykist ég nokkuð viss um að lesendur verði þá fljótir að hætta lestri!
Frekar hafði ég hugsað mér að ræða aðeins þá upplifun sem Finnland er!

Í fyrsta lagi - matur.
Eftir vikudvöl í Finnlandi þori ég að slá því föstu að Finnar eru ekki mikil matþjóð!
Almennt var maturinn - ég segi ekki slæmur, en þeim tókst nokkrum sinnum - með einbeittum brotavilja - að fara frekar illa með gott hráefni! Það bara verður að segjast!
Annars voru þeir ekkert mikið að taka sjénsinn á því og buðu því ítrekað upp á salat!

Ráðstefnan sjálf stóð í 4 daga - frá hálf 9 að morgni til ca 7 að kvöldi.
Manni var svo frjálst að sitja eins mikið (eða lítið) af ráðstefnunni og maður vildi - en við vorum meira og minna þarna allan daginn.
Einu sinni yfir allan daginn - klukkan hálf 2 til að vera nákvæm - var boðið upp á mat og í öll skiptin var boðið upp á salat!!!
Það var reyndar tvisvar sem einhverkonar gúllas-réttir voru líka í boði en þeir voru svona... segjum bara að ég borðaði nóg salat! Svo var einu sinni boðið upp á kjúklinga-dæmi og það var nú alveg þokkalegt!

Nú - svo var svona lokahóf fyrir ráðstefnuna - og hvað var í boði?
Salat - tvær týpur!
Þeir voru reyndar grand á því þetta kvöldið og höfðu með lax og roast beef.
Það skal tekið fram að þetta var standandi partý og alls engir hnífar í boði til að borða með! Það er því skemmst frá því að segja að það var ekki auðvelt að borða roast beafið!!!

Annar liður - skemmtanalíf
Á föstudagskvöldið stóð ráðstefnan fyrir smá gilli undir nafninu "Friday night rocks".
Allir voru frekar spenntir fyrir því hverju Finnarnir myndu taka upp á og bjartsýnustu sálir spáðu því að skrímslin í Lordi myndu láta sjá sig - sem varð svo að sjálfsögðu ekki raunin.
Þetta byrjaði nú þokkalega - þetta var haldið í íþróttasal og nóg af bjór og cider - og stuttu eftir að við komum byrjaði einhver hljómsveit að spila.
Þetta var bara svona cover-band og alls ekki slæmt sem slíkt - náðu upp fínni stemmningu í húsinu og við stóðum þarna Íslendingarnir ásamt hinum og dilluðum okkur og sungum með - voða gaman allt saman.
Svo eftir einhvern klukkutíma af spileríi voru þeir búnir með sinn skammt, voru klappaðir upp í eitt lag og yfirgáfu svo sviðið.

Það sem svo tók við var... það var... alveg ótrúlegt!
Ég veit eiginlega ekki hvernig ég á að lýsa þessu því ég held ég búi ekki yfir orðunum til þess!
Við stóðum öll - orðlaus - í svoldinn tíma og veltum því fyrir okkur hvað væri eiginlega í gangi!
Hvað haldiði að Finnarnir hafi ákveðið að væri frábært skemmtiatriði milli rokk-banda?!
Anyone?!?!
Nei, hélt ekki - skemmtiatriðið var einhverskonar ping-pong tölvuleikur sem var varpað upp á skjá!
Ekkert hljóð - ekkert annað með - bara tölvuleikur - í rúman hálftíma!!!!!

Þetta var náttúrulega alveg ævintýralega leiðinlegt - eins og gefur að skilja - og öll sú stemmning sem bandið á undan var búið að skapa hrapaði með tilheyrandi brotlendingu til jarðar!
Þetta var alveg ótrúleg upplifun - ég get alveg ábyrgst það að ef ykkur vantar leiðinlegt partýtrix til að losna við alla gesti - þá er þetta það!!!

Svo þegar tölvuleiknum lauk steig á önnur cover-sveit á svið og hún var alls ekki slæm heldur.
Ég átta mig ekki á því hvaða illa afl fékk Finnana til að fremja slíkan verknað og því er kannski best að hafa sem fæst orð um það!

Að lokum - Finnarnir sjálfir.
Þeir eru alls ekki slæmir - tungumálið alls ekki eins hart og asnalegt og ég var búin að ímynda mér og upp til hópa voru þeir ansi líkir okkur Íslendingunum.
Meira að segja svo líkir að hvert sem ég fór var töluð finnska við mig.
Úti í búð, á barnum, á ráðstefnunni, á flugvellinum, á förnum vegi - alls staðar hélt fólk að ég væri Finni.
Einn stoppaði mig úti á götu og spurði mig vega - skemmst frá því að segja að það tókst ekki.
Svo var ég útí búð og afgreiðslukonan ávarpaði mig á finnsku - ég svara til baka á ensku "excuse me?" og þá var spurningin endurtekin - á finnsku!!!
Þetta kom þónokkrum sinnum fyrir mig.
En það var svosem fínt - maður féll greinilega vel inn í fjöldann!

En svona á heildina litið var þetta hin fínasta ferð - Finnland sjálft náttúrulega alveg ofsalega fallegt - 50/50 land og vatn - og þar sem er land eru tré! Það er bara þannig!
En... ég held ég láti þessari analýsu minni lokið í bili - það kemur eflaust eitthvað fleira frá Finnlandi við tækifæri!

Stelpan

Laukur

2007-06-29T09:36:00.000Z

Ég fór í mat til m&p í gær.
Það sem upphaflega átti að vera lítið fjölskyldugrill breyttist snarlega í stórt fjölskyldugrill þegar það var ákveðið að bjóða öllum "munaðarlausu" frændum okkar í mat - og var það bara hið besta mál.

Nema hvað, ég mæti á svæðið og hjálpa auðvitað til við eldamennsku og fékk í þetta skipti það verkefni að skera niður grænmeti í "gumsið" svokallaða.
Það inniheldur sætar kartöflur, papriku og lauk.

Nú, þar sem það var von á heilum her manns var auðvitað haft nóg af mat og skar ég hreint gríðarlegt magn af grænmeti - þar með talda einhverja 5 lauka (já, ég grét svoldið yfir þeim).

Síðan þessi skurður átti sér stað er ég búin að þvo mér 6 sinnum um hendurnar (já ég taldi) og búin að fara í sturtu!
Það fer því sjúklega í taugarnar á mér að það skuli ENNÞÁ vera lauklykt af puttunum mínum!!!
Það er í alla staði óviðunandi!!!

Þetta er eins og þegar maður vaskar upp með gömlum og sjúskuðum uppþvottahönskum og hendurnar lykta illa allan daginn eftir það!
Eða þegar maður borðar appelsínu!!!!!

Svo - words to the wise - ef stefnt er á að skera meira en einn lauk skulu notaðir einnota hanskar og hlífðargleraugu!

Stelpan

Fiskinn minn...

2007-06-25T16:37:00.000Z

... nammi nammi namm!

Jæja, þá eru útlendingarnir okkar farnir heim.
Unnur Ósk (frænka mín frá ameríkurinni) og Walter kærastinn hennar eru búin að vera á klakanum síðustu 10 daga og hefur lífið snúist voða mikið um þau á meðan.

Greyið Walter - ameríkani inn að beini - var látinn borða ógrynni af íslenskum mat: flatkökur, hangikjöt, rúgbrauð, skyr, harðfiskur, svið, hvalur og fleira í þeim dúr.
Einnig var farið á Bæjarins Bestu eftir mikla umræðu um hvernig þessar pylsur væru bestar í bænum og öðruvísi en aðrar pylsur og bla bla bla.
Það var því alveg hreint magnaður svipurinn á honum þegar hann sá pylsuvagninn því hann var búinn að sjá fyrir sér einhverja risastóra skyndibitakeðju!
En hann tók þessu nú öllu eins og maður og borðaði allt sem að honum var rétt!

Síðan var ákveðið að fara með mannskapinn í sjóstangveiði á laugardaginn - yours truly fór auðvitað með.
Þar var nú mikið veitt og mikið gaman (þó báturinn hafi stigið ölduna fullmikið á köflum).
Og ég hreinlega gat ekki stillt mig um að taka lagið svo ég söng fyrir fólkið um hana Stínu litlu og fiskinn minn!

Svo var það best þegar við vorum á leið í land.
Sjóararnir sem sáu um túrinn tóku sig til á leiðinni til baka og gerðu að öllum fisknum - bara til að vera búnir að því.
Svo stoppum við aðeins á leiðinni og þeir segja okkur bara að kasta út á meðan þeir dunda sér í fisknum og við gerum það.
Sumir veiddu fisk en eitthvað gekk hægt hjá mér svo ég dró inn. Þar sem ég er að draga inn finn ég að ég er greinilega kominn með fisk á - þó svo hann tæki eitthvað lítið í - þetta var svoldið furðulegt.
Allavega - ég dreg inn og hvað skyldi ég hafa veitt - jújú - flakaðan fisk!
Geri aðrir betur!!!

Þá hafði greinilega einn af fiskunum sem búið var að gera að verið kominn niður í djúpin og mér hefur tekist að húkka hann upp á leiðinni!
Klárlega lang svalasta veiðin þann daginn!!!

En... við veiddum hvorki plokkfisk né fiskibollur!
Klúður!

Stelpan

Góður dagur

2007-06-19T11:25:00.001Z

Já í dag er sko góður dagur!
Af hverju?! Jú, því í dag er bleikur dagur!

Þó ég sé alveg fylgjandi réttindum kvenna þá finnst mér feministar oftar en ekki fara gróflega yfir strikið og maður á það til að andvarpa og ranghvolfa augunum þegar maður heyrir bullið í þeim!
En - þetta bleika dags ævintýri þeirra gleður mitt litla hjarta mikið og eiga þær heiður skilið fyrir framtakið!

Því hvet ég alla til að klæðast bleiku á þessum drottins dýrðar degi!
Til hamingju með bleika daginn allir saman!!!

Stelpan

Veðurspá

2007-06-13T12:21:00.000Z

Sumt fólk (þá er ég að tala um sjálfa mig) horfir sjaldan sem aldrei á fréttir í sjónvarpinu - enda til hvers, maður er hvort sem er búinn að lesa þetta allt á netinu.

Nú, þar sem ég horfi aldrei á fréttir leiðir það af sér að ég sé heldur aldrei veðurfréttir.
Það í sjálfu sér skiptir engu máli því ég skoða alltaf veðurspána á mbl.is hvort sem er.

Svo tók ég eftir því á mánudaginn að bráðabirgðaspáin fyrir laugardaginn var ekki til staðar - það var bara ekki neitt!
(fyrir þá sem ekki þekkja til þá er mbl.is alltaf með spá fyrir næstu 5 daga)

Nú, í gær hefði átt að vera komin inn spá alveg fram á sunnudag (17. júní) en nei - nú voru bæði laugardagur og sunnudagur með enga spá!

Svo þegar ég kíkti á spána í morgun stóð eftirfarandi á mbl.is:
Athugið: Vegna bilunar í tölvukerfi hjá Veðurstofunni eru spákort á mbl.is óvirk. Unnið er að viðgerð sem vonast er til að verði lokið sem fyrst.

Ok - nú veit ég ekki hvað er í kortunum fyrir helgina en miðað við það að mbl.is hreinlega harðneitar að sýna spána - þá lýst mér ekkert á það!

Hæ hó og jibbí jey - eða þannig!

Stelpan

Tannkrem í augað

2007-06-05T11:00:00.000Z

Jú jú - mér tókst að troða tannkremi í augað á mér í gærkvöldi!

Ég átta mig ekki alveg á því hvernig þetta fór að því að gerast.
Ég semsagt sat inní stofu og burstaði í mér tennurnar í rólegheitum á meðan ég horfði á Jay Leno.
Nema hvað - tannburstinn rennur eitthvað til og fer upp eftir öllu andlitinu á mér - með viðkomu í auganu!
Frábært!
Og vegna þess að tannkremið mitt er sterkt þá sveið mig í allt andlitið - augað meðtalið - á dáldinn tíma eftir á.
Ég verð að viðurkenna að þetta var dálítið furðuleg lífsreynsla - sem ég er ekkert spennt fyrir að prófa aftur.

Annars sit ég núna og er að lesa lengstu grein í heimi!!!
Í heimi!!!
Hún er 17 bls af þéttum texta og það er ekki svo mikið sem ein mynd eða graf eða neitt!!!
Ég er ekki nema rétt hálfnuð og mér líður eins og ég sé búin að vera að lesa þessa sömu grein í heila viku!!!
Æ mig auma!

Allavega... þarf víst að halda áfram að lesa... en ef eitthvað fleira fer úrskeiðis við tannburstun á næstunni - then I'll keep you posted!

Stelpan

Sturta

2007-06-04T12:22:00.000Z

Ég var að fá í hendurnar heilan bunka af greinum sem ég þarf að lesa svo... ég fór að sjálfsögðu eitthvað að slæpast á netinu!

Ég fór inn á hinn stórskemmtilega vísindavef og sá þar fyrirspurn um vatnsnotkun í baði vs í sturtu.
Þeir segja að almennt sé notað meira vatn í baði en sturtu - en það fari þó eftir lengd sturtunnar og sturtuhausnum.
Svo koma þeir með tilbúið dæmi um hversu mikið vatn væri notað í dæmigerðri sturtu (12 lítrar á mín og 5 mín sturta = 60 lítrar) vs í baði (um 240 lítrar).

Síðan kemur það besta.
Þegar þeir eru búnir að setja fram svona týpískt dæmi þá taka þeir alltaf eitt ótrúlega ýkt dæmi en það var á þessa leið:
"Eldri gerðir sturtuhausa nota þó allt að 24 lítra á mínútu og þá er 10 mínútna sturta orðin álíka vatnsfrek og baðið, en sá tími er líka í lengsta lagi."

...right, 10 mínútna sturta er í lengsta lagi!!!

Nú legg ég það ekki í vana minn að taka tímann á sturtunum mínum - en þegar ég tek mig til og fer í alvöru sturtu þá er hún sko hvergi nálægt því að vera 10 mínútur!!!
Og ég veit að ég er ekki sú eina!!!

Ég held að það sé því óhætt að slá því föstu að hver sá sem skrifaði þetta svar sé karlmaður - og að hann eigi engar dætur!

Stelpan

Slæmt slæmt slæmt

2007-06-01T15:32:00.000Z

Ok - eins og flestir vita þá veigra ég mér ekki við að horfa á þætti eins og Bold and the Beautiful - en margir telja slíkt sjónvarpsefni fyrir neðan sína virðingu!
Ég horfi líka á Lost og Heroes - þó ég sé reyndar við það að gefast upp á báðum.

En...
Aldrei fyrr eða síðar hef ég horft á jafn slæman sjónvarpsþátt og ég gerði í morgun í Baðhúsinu.
Það voru ekkert nema tónlistarmyndbönd og þess háttar leiðindi á hinum stöðvunum svo ég stillti á stöð 2 þar sem einhver lögguþáttur var að byrja.
Já já - flott mál - bara eitthvað til að drepa tímann!

Þessi sjónvarpsþáttur ber nafnið Numbers og fjallar um stærðfræðing sem hjálpar FBI að leysa sakamál!
Ég bara... ég bara... ... veit ekki hvað ég á að segja!

Engin orð á mínu móðurmáli fá því lýst hvað þessir þættir eru ömurlega glataðir!!!
Stærðfræðisnillingurinn - með kalktöflu og krít að vopni - var að reikna út á einhvern ótrúlega flókinn stærðfræðihátt hversu margir af rússnesku mafíunni voru viðriðnir eitthvað tölvuhakk! Hann gerði ráð fyrir að þeir væru þrír - þar sem þriðji maðurinn var samnefnari fyrir hina tvo!

WHAT?!?!?!?!?!

Síðan tók hann saman það sem mafían hafði verið að gera - brjótast inn í tölvukerfi og stela pening, hóta einhverjum einhverju, drepa einhverja irrelevent gaura - og þannig tókst honum með einhverri stærðfræðiformúlu að spá því hvað þeir myndu gera næst!

Vitiði - ég vissi varla í hvort fótinn ég átti að stíga á brettinu!
Þetta var svo slæmt að mig langar aldrei - ALDREI - að sjá annan eins þátt!
Í Bold þá þyrstir mann í það minnsta eftir meiru en þetta var á svo háu slæmleikastigi að ég fékk alveg verk í nýrum og það lá við útbrotum á tímabili!!

Samúð mín fer út til þeirra sem eru með stöð 2 og hafa horft á þessa þætti!
Ef einhver þarf að hreinsa þennan viðbjóð út úr kerfinu hjá sér þá er ég með spólu heima með sjúklega dramatísku Boldi!

Stelpan

Illa svikin

2007-05-30T11:27:00.001Z

Já ég er ekki nógu ánægð með Reykjavíkurborg akkúrat núna!

Jú, sjáiði til - Reykjavíkurborg tók upp á því um árið að halda alltaf menningarnótt á afmælinu mínu. Þetta gerir það að verkum að fólk er að mæta seint og illa í afmælið mitt og fara snemma.
Þetta er eitthvað sem ég er ekki ánægð með!!!

En eftir mega-unglingafylleríið og vesenið sem því fylgdi í fyrra var ég búin að heyra oftar en einu sinni og oftar en tvisvar að það ætti að færa þessa hátíð aftur á sunnudaginn - enda ekkert að því í sjálfu sér.

Þar af leiðandi var ég búin að plana að halda stórafmæli mitt á laugardeginum - daginn fyrir menningarnótt - allir vinna!
En nei - var að lesa það á vef Reykjavíkurborgar að þeir ætla vissulega að halda menningarnótt á laugardeginum og þar með hirða sinn toll af mínum veislugestum!
Hnuss!

Það er ekki laust við að mér finnist brotið á mér!!!

Stelpan

Að tala í símann

2007-05-18T14:17:00.001Z

Hérna niðrí Skógarhlíð þar sem ég læri/vinn allan liðlangan daginn er skúringakona - eða skúrka eins og við kölluðum þær alltaf í Verzló.
Þessi kona sér um almenn þrif hér í Skógarhlíðinni - taka ruslið, skúra og ryksuga, þurrka af - þið kunnið þetta.
Téð skúrka er ekki af íslensku bergi brotin og talar ekki stakt orð í íslensku - fyrir utan að hún er loksins farin að segja "góðan daginn" við mig eftir að ég hef sagt það við hana á hverjum degi í tvö ár eða svo! Húrra fyrir mér!

En svo ég komi mér nú að sögunni sjálfri.
Skúrkan mætir á morgnana og ... ég er ekki alveg viss hvað hún gerir til að byrja með - ég held hún sé bara þarna.
Um 10 leytið fer hún svo og tekur ruslið - við þetta tækifæri býð ég henni alltaf góðan dag.
Að því loknu fer skúrka út í smók og í símann þar sem hún talar og talar og talar og talar og talar...

Manneskjan er í símanum allan daginn!
ALLAN DAGINN!!!
Ég hef oft fylgst með henni og undrast hvað hún sé í alvörunni að tala svona mikið um! Því miðað við túlkun mína á pólsku/rússnesku/eitthvað í þeim dúr er hún alltaf að segja einhverja meiriháttar sögu eða eitthvað ótrúlega mikilvægt.

Svo þegar hún er búin í smók sest hún inn í eldhús og heldur sögunni áfram.
Mér þykir þetta alveg með ólíkindum merkilegt!
Ég er löngu hætt að kippa mér upp við það að hún þrífur aldrei nokkurn hlut - ég bara tek ofan fyrir manneskjunni sem getur bókstaflega talað í símann allan daginn!

Og já - einnig þakka ég fyrir að ég þarf ekki að borga símreikninginn hennar!

Stelpan

Eurovision uppgjör

2007-05-13T16:24:00.000Z

Ok - við vitum öll að það voru kosningar í gær - en um þær verður ekki rætt hér enda er þetta langt frá því að vera staðurinn til þess!

Nei - ég vil ræða mikilvægari hluti - þ.e.a.s. Eurovision!

Það er skemmst frá því að segja að ég var í alla staði ósátt við þetta Eurovision kvöld!

Í fyrsta lagi: Úrslitin
Ég bara hreint og klárt skil ekki hvað fólk sá við þetta lag frá Serbíu!!
Persónulega fannst mér það bara dáldið leiðinlegt og atriðið var langt frá því að vera eitthvað spes!
Nú - og svo eru lög eins og Armenía - leiðindagaur og rautt tré með geðveikt mikið af klósettpappír!!! What's up with that?!?!
Það voru allir sammála því hjá okkur í gær að það væri án efa versta atriði keppninnar! En nei - fólk var bara að kjósa það eins og vitleysingar - 10 stig út um allt!!!
Og frábær lög eins og það þýska fékk nánast engin stig!
Þessi úrslit voru bara svo fáránleg að orð fá því ekki lýst!

Í öðru lagi: Kosningasjónvarpið
Ok - já já - ég veit að það voru kosningar í gær og fyrstu tölur komu klukkan 10 en kommon - mátti það Í ALVÖRU ekki bíða í 5 mínútur?!?!?! Því það var ca það sem eftir var af keppninni þegar var klippt snögglega á og farið í einhverja 10 tíma kosningavöku!
Svona í alvöru - hefði það EINHVERJU breytt ef fyrstu tölur hefðu komið 5 mínútur yfir 10?!?!?!
Anyone?!?!?!

Og í þriðja lagi: Djammið
Við kíktum - að sjálfsögðu - út í gær.
Maður fylgdist með kosningasjónvarpinu og hlustaði á Sylvíu Nótt og Gleðibankann áður en maður fór út en svo þegar niður í bæ var komið var ekki einn einasti skemmtistaður (sem við fórum á og gengum framhjá) sem var að spila Eurovision!!!
Ég átti bara eiginlega ekki orð - svo virðist sem spá mín hér fyrr sé þegar farin að rætast og fólk sé bara hreint og beint hætt að spá í Eurovision!
Allavega - ég var fyrir miklum vonbrigðum með þetta!!!

Ég held að eftir þetta sé það deginum ljósara að maður gerir sér engar væntingar á næsta ári - hvorki um það að fá að vera með né um það að það verði eitthvað Eurovision djamm!
Hnuss!

Stelpan

I told you so

2007-05-11T10:05:00.000Z

Já það getur vissulega verið byrði að hafa alltaf rétt fyrir sér.

Í ljós kom að ekki aðeins var litla Ísland dissað heldur voru hin skemmtilegustu atriði frá nágrönnum okkar líka dissuð stórkostlega!
Það er alveg með ólíkindum hversu mikið af verulega slæmum lögum fór í gegn! Ég held það sé ekki fjarri lagi að segja að mörg þeirra hafi verið hreint frámunalega afleit - eins og einhver orðaði það svo skemmtilega um daginn!

Annars vöktu kynnar keppninnar athygli mína.
Karlkynnirinn fyrir þær sakir að hann heitir Mikko Leppilampi! Nei, nei - ég grínast ekkert með þetta!
Kvenkynnirinn fyrir að hafa verið í sama kjólnum alla keppnina! Ok, ég veit að þetta voru bara undanúrslitin en róum okkur í nískunni - sumir keppendurnir voru í 3 kjólum!!!
Hún fær samt plús því kjóllinn var bleikur!

En þar sem við fáum aldrei aftur að vera með þarf maður bara að temja sér það að velja sér einhvern annan til að halda með.
Ég er ekki alveg búin að stúdera þetta allt of vel en ég hugsa að ég haldi með Þjóðverjum og jafnvel tannkremstúpunni frá Hvíta-Rússlandi - þeir gætu komið sterkir inn!
En - það er ekkert ákveðið enn - kannski endar mitt atkvæði allt annars staðar á morgun.
Sjáum til.

Stelpan

Eurovision part 1

2007-05-10T11:32:00.000Z

Jæja - það er loksins komið að því! Júróvísjon er í kvöld!

Þ.e.a.s. það Eurovision sem við fáum að taka þátt í er í kvöld! Þrátt fyrir rauða ljónið sem allir Íslendingar elska þá komumst við ekki áfram! Verum hreinskilin - við eigum ekki séns!

Það að Íslendingar skuli ennþá halda í vonina og ímynda sér sigur í Eurovision á bleiku skýi er náttúrulega aðdáunarvert - en - það er kominn tími til að maður sætti sig við staðreyndir og viðurkenni að við fáum aaaaaaaaaldreiiiiiiiiiii aftur að vera með í alvöru keppninni!

Ég man þá tíð - já, ég sagði "ég man þá tíð" - þegar dómnefndirnar sinntu störfum þjóðanna og okkar litla, einangraða þjóð átti smá sjéns - rétt eins og hinar þjóðirnar.
En ég er hrædd um að börnin okkar eigi ekki eftir að alast upp við þann munað og þá gleði sem fylgir því að "fá að vera með" í alvöru keppninni og því á áhuginn á Eurovision smátt og smátt eftir að dvína uns einungis gallhörðustu Eurovision áhugamenn (þ.e.a.s. Páll Óskar) nenna að horfa lengur!
Þetta er mín spá!

Nú - að þessu sjúklega svartsýnislega bloggi loknu vil ég taka það fram að ég styð rauða ljónið af fullum hug, krosslegg fingur og vona að Evrópubúar séu rokkarar inn við beinið og vona að með því að tala svona svartsýnislega sé ég búin að jinxa það að við komumst ekki áfram!!!!
Því mig - rétt eins og alla aðra Íslendinga - dreymir um sigur á bleiku skýi!!!

ÁFRAM ÍSLAND!!!!

Stelpan

Blogg á ný

2007-05-09T11:41:00.000Z

Jæja góðir hálsar - þá er komið að því - blogg!

Ég get ekki gefið neina haldbæra skýringu á því hvers vegna svo langt frí var tekið og ekkert bloggað í meira en mánuð! Kannski er það þó helst að ég finn það ítrekað þegar ég ræði við vini og kunningja að mér finnst enginn lesa þetta blogg og það hefur ef til vill dregið eitthvað úr mér kjarkinn!
En - ég get víst ekki brugðist þeim fáu sem leggja leið sína hingað inn og því ótrauð áfram.

Nú - ég held að það sé deginum ljósara að það "merkilegasta" sem á daga mína dreif meðan á "fríinu" stóð hafi verið axlarævintýrið mitt!
Almáttugur!

Mér tókst semsagt að fá svo svakalega heiftarlega bólgu í axlarliðinn að ég gat í nokkra daga ekki hreyft handlegginn neitt!
Jemundur minn - ég hef aldrei kynnst öðrum eins sársauka! Ég varð að sitja uppí sófa þar sem ég var búin að raða púðunum eftir hentugleik og bara vera kyrr!
Engin hreyfing var leyfileg!
Fyrir utan það að ég hreinlega gat ekki hreyft handlegginn - það var ótrúlega spes!
Með því að vera fullkomnlega hreyfingarlaus losnaði ég við stingandi sársaukann og fann í staðinn bara sjúkleg óþægindi og seyðing niður í handlegg!
Og já - það þarf kannski ekki að taka það fram að ég svaf nánast ekkert í nokkrar nætur!

Vitiði - ég held ég geti fullyrt að þetta hafi verið aumasta vika lífs míns!
Ég sat hreyfingarlaus uppí sófa í heila viku!!!
Og - ef ég óvart hnerraði eða eitthvað álíka ómerkilegt þá bara fór ég að gráta!
Þetta var svo sjúklega vont og ég var ekkert búin að sofa og ég átti svo bágt! Þetta var bara alveg ótrúlega erfitt allt saman!

En - það sem bjargaði aumingjanum mér var að ég fór til læknis sem sprautaði sterum í öxlina á mér og eftir það byrjaði þetta allt saman að lagast - hægt og bítandi!
Það eru komnar einhverjar tvær og hálf vika síðan þetta rugl byrjaði og ég er svona nokkurnveginn búin að ná mér aftur. Er búin að mæta stíft til sjúkraþjálfara og vona að ég fari brátt að vera útskrifuð hjá honum!

Eiginlega það eina sem eftir situr er pínulitli, kringlótti marbletturinn sem ég fékk eftir hrossasprautuna hjá lækninum! Upphaflega var hann svar/fjólu/rauður en hann er búinn að lýsast um nokkra tóna og er að detta í rauð/gula fílinginn!
Gaman að því!

En að því sögðu ætla ég að láta gott heita í bili og heiti því að næsta blogg mun koma innan mánaðar!

Stelpan

LOST

2007-03-26T12:22:00.000Z

OK - ekki spyrja mig hvar eða hvernig - en mér tókst að nálgast upptöku af handritshöfundum LOST þar sem þeir brainstorma um komandi þátt!
Tékk it out!

Stelpan

Versta auglýsing allra tíma

2007-03-19T20:18:00.000Z

Nú veit ég ekki hvort það er einhver formleg keppni í gangi um verstu auglýsingu allra tíma en sem sjálfskipaður dómari í þeirri keppni er ég búin að velja sigurvegara.

Þessi slæma, slæma auglýsing er á viðtalsformi og er á þessa leið:

Stelpurödd: Tilboð vikunnar er í Harðviðarvali.
Harðviðarvalsmaður: bla bla bla parket bla bla bla
Stelpurödd: ... og hvað er mikill afsláttur?
Harðviðarvalsmaður: uuuu - tuttugu prósent.

Þetta er svo slæææææææmt!
Ég er nánast viss um að ég mun aldrei versla við Harðviðarval eftir þetta... nema ég lendi í einhverju svakalegu Bold and the Beautiful slysi og missi minnið - þá lofa ég engu!

Stelpan

Morgungremja

2007-03-16T09:24:00.000Z

Á þessum annars ágæta morgni er tvennt sem fer óendanlega í taugarnar á mér.

Í fyrsta lagi:
Er það til of mikils ætlast að í það minnsta ein útvarpsstöð á höfuðborgarsvæðinu spili tónlist á morgnana?!?!?
Þegar ég var að keyra í skólann í morgun voru eftirtaldir hlutir í útvarpinu:
Hlustaðu á hljóðið á FM
Morgunútvarpið á Bylgjunni
Einhverjir leiðindagaurar að tala saman á X-inu
Auglýsingar bæði á Gull-bylgjunni og Létt-bylgjunni

- alla leiðina!!!!!!!

Í framhaldi af síðasta lið má taka það fram að þar sem Gull og Létt eru bæði afsprengi Bylgjunnar - þá eru alltaf sömu auglýsingarnar í gangi á báðum rásum!
Og þeim sem finnst útvarpsstöðvaval mitt glatað - endilega bendið mér á útvarpsstöð sem hlustandi er á!!!

Allavega - þetta útvarpsmál gerði það að verkum að þegar ég kom niðrí skóla var ég nett pirruð og tekur þá við liður tvö í þessari bloggfærslu:
Fólk sem kann ekki að leggja um leið og það kemur hin minnsta snjóföl!!!

Að sjálfsögðu var bílum þannig lagt að allir bílarnir tóku 1 og 1/2 stæði - þannig að hverjir 2 bílar tóku (og taka) 3 stæði.
Nema einn bíllinn! Nei - honum tókst - á einhvern hátt sem ég er ekki enn búin að átta mig nógu vel á - að leggja í 3 stæði!!!
Hann er bæði í "sínu" stæði - svo stendur fremra vinstra hornið inn í stæðið öðru megin og hægra aftur hornið inn í stæðið hinum megin!
Ég held svei mér þá að ég hafi aldrei séð bíl lagt jafn illa!
Það endaði auðvitað með því að ég bjó mér til stæði á endanum - ekki í fyrsa skipti og alveg bókað ekki í það síðasta!

En - góðu fréttirnar í þessu öllu saman er að ég fæ að lesa greinar í aaaaaaaallaaaaaaaaaaan dag!
-andvarp-

Stelpan

Geðveiki

2007-03-15T15:03:00.000Z

Já það má með sanni segja að lítið skemmti smáum!
Þegar maður er kominn svona svakalega inn í sig þarf ekki neitt til að gleðja mann!!!

Ég er búin að sitja í allan dag og lesa greinar, yfirstrika það sem er markvert og pikka það svo inn í tölvuna.
Þetta er það sama og ég gerði í gær og daginn þar áður og daginn þar áður og daginn þar áður og ...
you get the picture.

Allavega - ég var að slá inn einhvern texta og ég skrifað óvart "reslut" í staðinn fyrir "result" og ég er að segja ykkur það - ég er ekki búin að geta hætt að hlægja síðustu 5 mínúturnar!
Mér fannst þetta bara of fyndið!
Re-slut!

Guð hvað ég hlakka til að vera búin með þessa ritgerð!

Stelpan

Afmælisgjöfin í ár

2007-03-07T11:34:00.000Z

Fyrir þá uppfinningamenn sem sitja atvinnulausir og verkefnalausir heima hjá sér þá er ég komin með mjög góða hugmynd fyrir þá til að vinna að!

Draumaupptökuvél!!!

Þessi vél myndi taka upp drauma manns svo maður gæti horft á þá aftur seinna.
Ég er að segja ykkur það - þessi græja væri snilld!
Ef ég myndi taka mig til og skrifa bók með nokkrum af mest rugldraumum mínum þá myndi ég bókað vinna einhverskonar bull-bókaverðlaun!

Með þessari græju gæti ég líka komist að því að hverju ég er alltaf að leita í svefni!
Ég er sífellt að standa mig að því að vera að róta í skúffum og undir rúmi og ég veit ekki hvar og hvar - alltaf að leita að einhverju!
Einnig gæti ég fengið svar við því hvað það var sem fékk mig til að fara fram úr rúminu og endurraða öllum fötunum á fatagaurnum mínum! Og taka náttsloppinn minn niður af herðatrénu og leggja hann efst á hrúguna "svo hann væri tilbúinn..."

Já þessi græja myndi sko svara mörgum af lífsins stærstu spurningum!!!

Nú - fyrir utan drauma og fataendurraðanir er mest lítið að frétta af mér annað en tölfræði!
Ef einhver er í vanda með tölfræðina sína ætti ég að geta lagt viðkomandi lið þar sem ég hef nánast ekki gert neitt annað síðastliðna daga og vikur!

Stefni samt að því að fara að endurheimta líf mitt á næstunni þar sem ég er við það að hellast í dimmt tölfræði- og greinalestursþunglyndi!
Hefst endurheimtingin með hátíðlegum hætti á laugardaginn þegar við systur ætlum að halda litríkt-sumar og sól-kokteila partý!

Eftir þónokkra umhugsun er ég að hallast að því að vera í bleikum kjól! Ef það lífgar mig ekki við þá gerir það ekkert!!!

Stelpan

Rotta

2007-02-19T18:50:00.000Z

Endanleg staðfesting þess að ég búi í miðbæ Reykjavíkur fékkst áðan þegar ég var að koma heim úr Baðhúsinu.

Vegna framkvæmdanna sem eru í gangi fer ég alltaf út á Laugaveginn og þaðan upp í Baðhúsið.
Svo þegar ég kom heim áðan fór ég sömu leið - inn í gegnum ruslaportið frá Laugaveginu og viti menn - við hliðina á ruslatunnunum lá dauð rotta!
Hressandi!

Ég er ekki alveg sjúr hvaðan hún kom - trúlega hefur hún átt heima í húsunum sem verið var að rífa og verið á vergangi síðan.

Anyway - ef einhver vill dauða rottu þá er hún up for grabs!

Stelpan

Valentínus

2007-02-14T19:01:00.000Z

Ég tók þessa mynd af blómvendinum sem ég fékk sendan áðan:

... eða þannig!
Nei ég er hrædd um að ég hafi hvorki fengið blóm, nammi, kort né annað það sem einkennir Valentínusardaginn!

Og fyrir þá sem ætla að drulla yfir það að Íslendingar skuli yfir höfuð fagna þessum ameríska degi elskenda þá er þetta mín skoðun:
Það eru 365 dagar í (meðal)árinu.
Þar af eru í kringum 30 dagar sem - eru eitthvað! Þar með talið eru allir jóladagarnir, allir páskadagarnir, hvítasunna, gamlárs, bollu/sprengi/öskudagur, bónda/konudagur og allir hinir sem eru merktir sem eitthvað á dagatalið.
Þess vegna finnst mér ekkert að því að bæta örfáum amerískum hátíðardögum inn í dagatalið og gera sér glaðan dag!

Það versta við planið mitt er þegar maður á ekki sætan kærasta á Valentínusardag...
En hey - win some - lose some! Ég get í það minnsta alltaf troðið mig út af kalkún á Thanksgiving!!!

Gleðilegan Valentínusardag öll sömul!!!

Stelpan

Persónunjósnir?!

2007-01-26T11:13:00.001Z

Það mætti ætla að Orkuveitan í heild hafi lesið bloggið mitt í gær því það var eins og við manninn mælt - í gærmorgun kom haugur af köllum með alls konar lagnir og dótarí og fóru að vinna í skurðinum - mjög sátt við það!

Að sama skapi held ég að nágrannarnir hafi lesið bloggið því einhver tók sig til og þreif drullufótsporin í tröppunum - einnig mjög sátt við það!

Annars var ég að vinna niðrí Frímó í gær og var ekki komin heim fyrr en um miðnætti.
Nema hvað, ég er komin heim og er eitthvað að gera mig klára fyrir háttinn þá sé að úti við endann á portinu er hvítur sendiferðabíll - með ljósin á og með kveikt ljós inni í bílnum - og það var greinilega einhver hreyfing inni í honum.
Fyrst hélt að þetta væri sjúkrabíll eða löggubíll - en með nánara glápi sá ég að svo var ekki.
Þá hlýtur maður að spyrja sig - hvað er hvítur sendiferðabíll að gera hérna klukkan rúmlega miðnætti?!
Allavega, nennti ekki að spá í því og fór að sofa.

Svo vaknaði ég í morgun - óeðlilega snemma verður að segjast (meira um það síðar).
Ég semsagt fer á fætur um hálf 7 - labba inn á klósett og sé að það er bíll þar sem framkvæmdirnar eru í gangi, alveg upp við bílskúrinn - þannig að ég sé út um eldhúsgluggann greinlega að það eru ljós á honum. Og ég fer og kíki betur en sé náttúrulega ekki rassgat vegna þess að það var dimmt og eina ljósið voru ljósin á bílnum sem skinu nánast beint í augun á mér.
Jæja, ég fer í sturtu og fæ mér að borða og eitthvað og bíllinn ennþá þarna. Svo sé ég akkúrat þegar hann bakkar út og fer og ég get svo svarið það - ef ég ætti að vitna um það myndi ég segja að þetta hafi verið sami hvíti sendiferðabíllinn og var á hinum staðnum í gærkvöldi!!!

Ok - hvítur sendiferðabíll á miðnætti - ég get alveg keypt það.
Hvítur sendiferðabíll kl. hálf 7 inní framkvæmdaporti - ég er ekki að kaupa það!!! (og nei - verkamennirnir byrjuðu ekki fyrr en ég var farin rétt um 8 í morgun svo þetta voru ekki þeir að koma til vinnu).

Stundum þá bara veit ég hreinlega ekki hvað ég á að halda!!!

En já - ég var semsagt vöknuð og komin á fætur rétt fyrir hálf 7 í morgun sem er mun fyrr en ég er venjulega á ferðinni.
Ég var semsagt að mæla kl. 8 í morgun sem þýðir að ég þurfti að vera komin niðureftir svolítið fyrir 8.
Þess vegna stillti ég klukkuna extra snemma svo ég gæti nú snúsað aðeins áður en ég færi á fætur. Svo þegar klukkan hringdi vaknaði ég bara alveg - þurfti ekkert að snúsa svo ég bara dreif mig á lappir!
Svo finnst mér núna - klukkan 11 - eins og dagurinn sé bara farinn að síga á seinni partinn vegna þess að ég er búin að vera vakandi svo lengi! Mér fannst áðan eins og það ætti að vera kominn hádegismatur - leit á klukkuna - rétt rúmlega 10! Ekki alveg að skynja tímann nógu vel!!!

Svo langaði mig svona rétt í lokin að koma á framfæri ótrúlegri óánægju minni með þjónustuna hjá FedEx.
Þannig er mál með vexti að mig vantaði svört stígvél (já mig vantaði þau!!!) svo ég fór á janúarútsölur og fann auðvitað ekki það sem mig langaði í - endaði með því að ég fór á eBay - fann réttu stígvélin og keypti þau.
Ok - pakkinn fór frá USA 7. janúar svo ég ákvað að gefa honum alveg tvær vikur áður en ég færi að eltast eitthvað við hann.
Í gær var pakkinn ekki enn kominn svo ég sendi seljanda póst og bað um sendingarnúmer sem ég fékk sent um hæl.
Ég sló það inn á FedEx heimasíðuna og hvað kemur í ljós - pakkinn er lööööööööngu kominn til landsins og er búinn að sitja - reiðubúinn til afhendingar - í 10 daga hjá þeim!!!!!!!!!!
10 dagar gott fólk!!!
Hann var ekki sendur heim til mín (eins og þeir segjast gera) - ég fékk engan póst eða tilkynningu eða símtal eða neitt (sem þeir segjast líka gera)!!!
Ég fór líka niðrá FedEx og lét greyið afgreiðslustrákinn heyra hvað mér fannst um þetta mál!
Það var nú ósköp lítið sem hann gat sagt - enda kannski ekki honum að kenna - en þessi þjónusta (ef svo má kalla) hlýtur að teljast vafasöm - at best!!!
Ég spurði hann líka hvernig það væri ef ég væri ekki að bíða eftir pakkanum - ætluðu þeir að sitja á honum til eilífðarnóns eða...?! Hann gat eiginlega ekki svarað því heldur.
Það eina sem hann gat sagt að gaurinn sem sá einu sinni um þetta svæði var nýlega rekinn - ætli þetta sé ekki honum að kenna!

Og ég veit - ég veit það eru framkvæmdir í gangi!
En það er hægt að komast meðfram skurðinum (þótt ég kjósi að gera það ekki) og það er hægt að komast inn frá Laugavegi - hurðin þar er opin svo framkvæmdir eru engin afsökun!!!

En - ég fékk skóna - og þeir eru beautiful og það er fyrir öllu!!!!!

Stelpan

Verkamenn frh.

2007-01-25T10:20:00.000Z

Það endaði semsagt með því að ég bleytti upp í hausnum á mér með ísköldu vatni í gærmorgun - ekki það besta í heiminum en ég lifi með því!

Svo þegar ég kom heim úr vinnunni var heita vatnið nú sem betur fer komið aftur á og það var meira að segja heitt vatn í morgun!!! Ég tók samt enga sjénsa og dreif mig að bleyta á mér hausinn!

En það er fleira sem þessir blessuðu verkamenn gera sem hlýtur að teljast frekar vafasamt - þ.e.a.s. annað en að taka heita vatnið af án þess að spyrja kóng eða prest!
Þeir eru alltaf mættir og byrjaðir um tíu mínútur í 8 á morgnana. Það er náttúrulega bara hið besta mál.
Yfirleitt hætta þeir framkvæmdum einhverntímann milli 4 og 6 - ekki alveg búin að ná þeim tíma nógu vel. En það kemur þó fyrir að þeir haldi áfram eitthvað fram á kvöld og þegar það gerist eru þeir kannski að hætta um hálf 10 leytið.
Þess vegna kippti ég mér ekkert upp við það þótt það væru læti í þeim í gærkvöldi - þessi læti eru ekki það yfirgengileg í íbúðinni minni (ef ég er með svalirnar lokaðar) að það breytir svosem engu fyrir mig.
Svo líður og bíður og það fer að líða að háttatíma hjá mér og ég fattaði - þegar ég var að bursta í mér tennurnar klukkan hálf 12 - að þeir voru ennþá að!!!
Ég stóð úti í eldhúsglugga - með tannburstann í kjaftinum - og fylgdist með klónni (sem rífur allt í tætlur áður en gröfurnar koma og hreinsa) alveg á fullu - klukkan hálf 12!!!

Ok - correct me if I'm wrong - en á það ekki að vera bannað?! Á ekki allur svona iðnaðarhávaði að vera hættur einhverntímann fyrir klukkan hálf 12?!?!?!
Ég veit að þetta truflaði mig þannig séð ekkert - enda eru þeir að vinna alveg lengst frá mér og svefnherbergið mitt er hinum megin í húsinu - en ég er nú heldur ekkert ein í heiminum! Það eru hús hinum megin við götuna frá þeim!!!

Já ég verð að viðurkenna að mér fannst þetta slappt!
Mér er alveg sama þótt þeir séu á einhverju deadline eða eitthvað - það verður að flokkast sem þeirra vandamál - og ég get ekki ímyndað mér að þeir hafi rétt til að færa það vandamál yfir á aðra!

Er líka ekki nógu sátt við Orkuveitugaurana sem eru búnir að grafa upp veginn sem liggur upp að húsinu mínu og gerir það að verkum að ég þarf alltaf að fara út Laugavegsmegin.
Ég skil svosem að það þurfi að laga eitthvað og ég get alveg farið út Laugavegsmegin rétt á meðan þeir gera við - en þeir eru bara ekki búnir að gera neitt í nokkra daga!!! Ég sá þá á föstudaginn - en ég held ég hafi ekki séð þá síðan! Þeir sögðu að þetta ætti bara að taka nokkra daga - en nokkrir dagar geta teygst alveg svakalega ef það er aldrei neitt gert!!!
Hnuss!

Og fyrst ég er byrjuð að kvarta þá get ég allt eins haldið áfram.
Ég kom heim um daginn og þá hafði einhver í húsinu mínu tekið sig til og þrifið ganginn!!! Ég hélt ég yrði ekki eldri - búið að skúra og setja mottu við tröppurnar neðst svo maður geti þurrkað af sér áður en maður heldur upp!
Ég var alveg ofsalega sátt við að sjá þetta framtak!
Svo - daginn eftir fór ég út og þá hafði einhver í húsinu komið heim á þeim allra grútskítugustu skóm sem ég hef séð - ekki þurrkað af sér í nýju fínu mottuna - heldur ætt beint upp tröppurnar og skilið eftir sig feitt moldarskófar í hverri einustu tröppu!!!
Það var framtak sem ég var ekki svo hrifin af!!!

Að því sögðu held ég að ég hafi létt af mér því sem er búið að pirra mig upp á síðkastið.
Takk fyrir mig - bless.

Stelpan

Pirrrrrrrrr

2007-01-24T09:20:00.000Z

Mikið svakalega geta verkamenn og þeirra duttlungar farið í taugarnar á mér!!!
Ég semsagt sit ennþá heima hjá mér í náttsloppnum og hárið á mér lítur ekki ósvipað út og á vinkonu minni henni Sally Spectra!

Af hverju?! Jú sjáiði til - í gærkvöldi fór ég í sturtu og þegar ég var búin í sturtu setti ég í mig djúpnæringu sem ég svo svaf með. Þetta er liður í því að bjarga hárinu mínu frá ofþornun.
Anyways - ég geri þetta vikulega svo það flokkast ekki til tíðinda.
Nema hvað - ég vakna í morgun - hárið eins og afró, bara eins og eðlilegt er í þessu ástandi - og það er ekkert heitt vatn!!!
Einhver snillingur hefur tekið þá ákvörðun að klippa á heita vatnið - og segja engum frá því!!!

Og - þetta er ekki í fyrsta skipt sem þetta gerist!!!
Um daginn kom ég heim úr vinnunni og það var ekkert heitt vatn! Þá einmitt hugsaði ég með mér hvað ég væri nú glöð að ég fór í sturtu um morguninn!
Svo getur líka vel verið að þetta hafi gerst miklu oftar - ég er bara ekkert alltaf heima til að taka eftir því!!!

Hingað til hef ég verið mjög samvinnuþýður nágranni mikilla framkvæmda en ef þetta á að vera raunin - ekkert heitt vatn þegar þeim hentar - þá mun ég sko láta í mér heyra því þetta - er ekki í boði!!!!!!!!!!!!

Stelpan

Minning

2007-01-17T12:20:00.000Z

Þegar ég sá þessa grein á mbl.is vissi ég að veröldin yrði aldrei söm aftur!!!
Pían sem leikur Sally Spectra í the Bold and the Beautiful er dáin!
Blessuð sé minning hennar!

Og ekki þykjast ekki vita hver Sally Spectra í Bold er - fólk þykist alltaf ekki vita neitt um Bold - en við vitum öll að svo er ekki!
En til að fríska upp á minnið þá er þetta hún:

Já, það eru sko ekki margir sem slá út sjúklega blásnu hári Sallyar!
Og fáir hafa fundið upp á jafnmörgum verulega slæmum plottum og hún!
Og enginn - nei enginn - slær Sally út með andlitsgeiflurnar sem hún tekur alltaf þegar hún er að hugsa eitthvað svakalegt!

Ahhhhh, good times, good times!

Sem betur fer eigum við Íslendingar eftir að njóta blásna hársins í einhver tvö ár til viðbótar svo örvæntum eigi!!!

Amen.

Stelpan

Netleysi no more

2007-01-16T22:44:00.000Z

Guð hvað netið er búið að vera óþolandi síðustu daga!
Ég talaði við gaur hjá Hive og hann tók á sig helming af sök en kenndi blessuðum Candat strengnum um restina! Either way - ég er búin að vera svo gott sem netlaus!

Breytir ekki því að síðustu tvö skipti sem ég hef ætlað að blogga - en ekki getað - koma núna.
Það mætti eiginlega líta á þetta sem framhaldsblogg þar sem umræðuefni er annars vegar líkamsmeiðingar og hins vegar draumur!

Í fyrsta lagi:
Fyrir um viku síðan - man ekki hvort það var mánudag eða þriðjudag - þá beit ég í innanverða vörina að framan. Búhú - það var vont - life goes on.
Núna - viku seinna - er ég búin að bíta svo oft í sárið og það er orðið svo bólgið að ég lít út eins og ég hafi verið kýld! Ég er eins og slefandi fábjáni!
Og það er vont að drekka því allt sem kemur við sárið er vont. Að sama skapi er vont að borða.
Það er vont að kyngja - nema með geiflum - því tennurnar koma við sárið!
Það er fáháháránlega vont að bursta tennurnar því: a) tannburstinn rekst í sárið og b) tannkremið mitt er megasterkt!
Já og svo er brjálað vont að nudda saman vörunum til að fá smá líf í þær - en þær eru að skrælna upp í þessari slefandi fábjánastellingu!
To sum up - það er allt vont!
Góðu fréttirnar hins vegar eru að ilin mín hefur náð fullum bata eftir hrakfarirnar í síðustu viku!!!

Í annan stað:
Mig dreymdi verulega fríkí draum um daginn (nóttina) og ég get ekki for the life of me skilið af hverju - ég vona bara innilega að þetta sé ekki forspárdraumur.
Ég var semsagt í einhverjum garði - þetta var einhver svona wildlife garður sem "við Clara fórum alltaf saman í".
Allavega, Clara komst ekki svo ég fór bara ein. Ég er að ganga niður "stíginn" og þá mætir mér tígrisdýr - en í þessum wildlife garði var það bara nokkuð eðlilegt.
Ok, ég vil ekki mæta tígrisdýrinu for obvious reasons svo ég stekk upp á "hólinn" sem var svona einskonar stikkfrí frá rándýrunum.
Nema hvað - mér verður litið til hliðar og viti menn - þar liggur annað tígrisdýr.
Ég lít bak við mig og þar stendur svartur pardus.
Great - nett panik!
Þar sem ég stend og velti fyrir mér möguleikum mínum standa öll dýrin upp og labba í áttina að mér (á þessum tímapunkti eru alls 4 risa kattardýr að stefna á mig) og rétt áður en ég stekk í burtu (átta mig samt ekki á því hvert ég var að stökkva) þá skrikar mér fótur og öll fjögur með tölu stökkva á mig.
Það næsta sem ég veit er að ég vakna á spítalanum - bara frekar ánægð með að vera enn á lífi - en algjörlega tilfinningalaus frá mitti og niður! Verulega óþægileg tilfinning!

Hver sá sem getur ráðið þennan draum - feel free to share!

Og þar hafiði það!

Stelpan

Marblettur á ilinni

2007-01-10T15:59:00.000Z

Díses - eigum við að ræða það aðeins!

Ég var semsagt að gera mig klára í morgun, er eitthvað að stússast og sparka létt í tölvu-snúru-hleðslutækið (?) sem liggur á gólfinu.
Ég með mitt eldsnögga viðbragð lyfti fætinum og geng úr skugga um að ég sé ekki að draga einhverjar snúrur með mér.
Svo stíg ég aftur niður af fullum þunga - beint ofan á græjuna - þannig að litli nabbinn sem stendur upp úr fór beint upp í ilina á mér!!!

Guð minn góður - sársaukinn!!!
Ég hálf datt í sófann - nuddandi fótinn eins og ég gat en það virtist bara engin áhrif hafa.
Eitt augnablik hélt ég að það myndi líða yfir mig af sársauka!
Hver vissi að svo mikill sársauki væri mögulegur á þessu svæði - án þess að hreinlega skera það af!

Svo ákvað ég að fara úr sokkabuxunum og líta á skaðann og þá bara sá marblettinn myndast og fótinn bólgna.
Síðan er ég búin að vera alveg nett aum í fætinum í dag. Með smá slátt og seyðing!
Hressandi!
Það eina sem ég get huggað mig við í stöðunni er að þetta var hvorki á hælnum né á táberginu því ef svo hefði verið þá lægi ég bara "veik" heima!

Stelpan

Kálhaus

2007-01-09T17:29:00.000Z

Vá - tvö blogg á einum degi eftir langt frí - talandi um blogg-overload!

Ástæða þessa seinna bloggs er hin merkilega Bónusferð sem ég fór í áðan.
Þessi Bónusferð var þannig séð ekkert frábrugðin öðrum Bónusferðum - útlenska konan sem lagði í fatlað stæði og var sjúklega ánægð með sig að finna stæði svona nálægt... kallinn sem bara gat ekki hætt að tala við kassadömuna og stoppaði alla afgreiðslu á meðan - you know, the usual.

Ég semsagt fór með listann minn og fann flest á honum. Það sem ég ekki fann var t.d. kálhaus - venjulegur iceberg kálhaus.

Það er nefninlega þannig að það er farið að vera dálítið happa glappa hvort maður finnur kálhaus eða ekki - oft er bara til kál í poka (frá Sollu og félögum).
Persónulega er ég ekkert svo hrifin af káli í poka. Yfirleitt er það komið á síðasta söludag þegar maður kaupir það og það er oftast hálf blautt og múshí. Og ef maður lætur sig hafa það að kaupa sér kál í poka þá getur maður ábyrgst að kálið er ónýtt daginn eftir.

Svo er það annað með kál í poka - einn poki er helmingi dýrari en þokkalegur kálhaus svo ég reyni að leggja það í vana minn að kaupa það ekki.

Eins og áður sagði - ekki til kálhaus í Bónus.
Svo - ég sleppti því bara að kaupa kál og hélt mína leið.

Á leiðinni heim ákvað ég að koma við í Nóatúni og kaupa mér kálhaus.
Viti menn - ekki til kálhaus í Nóatúni - bara kál í poka.
Pirr!

Nú var ég orðin staðráðin í því að ég skyldi finna mér kálhaus svo ég fór í búðina sem hingað til hefur aldrei klikkað á kálhausnum - 11-11 Skúlagötu.
Ég bruna þangað og hvað finn ég - 2 pínulitlir og verulega vafasamir kálhausar - og að sjálfsögðu kál í poka.
Enn geng ég út kálhauslaus og búin að ákveða að heim fari ég ekki fyrr en ég finn kálhaus!

Svo, ég settist út í bíl og velti því fyrir mér hvaða búðir væru nálægar - ég nennti ómögulega að fara eitthvað langt! Var því stefnan tekin á 10-11 Lágmúla því þar fæst nú yfirleitt allt.
Mér til dálítillar undrunar voru til kálhausar þar. Þeir voru ekki margir, ekki stórir og rétt sluppu réttu megin við vafasömu línuna - en kálhausar engu að síður.
Ég valdi mér haus og snéri mér við og þar blasti við mér heill rekki af káli í poka.
Dýrasti pokinn þar var á um 500 krónur!
500 krónur gott fólk!!! Fyrir kál í poka!!!
Nei takk - ég borgaði 180 krónur fyrir kálhausinn minn og hélt heim!

En svona í alvöru - hvert er heimurinn að fara þegar maður getur ómögulega keypt sér kálhaus - bara kál í poka?!

Stelpan

p.s. nei ég keypti ekki ost!

Ostur

2007-01-09T12:49:00.000Z

Já, draumar eru furðulegt fyrirbæri.
Persónulega þá dreymir mig alltaf - og í flestum tilfellum man ég bullið sem mig dreymir.
Oft hef ég velt því fyrir mér hvort ég ætti að halda draumadagbók - því á ekki löngum tíma gæti ég safnað upp í metsölubók af bulli!

Skemmtilegast við draumana finnst mér þó að fatta af hverju mig dreymdi þá.
Þ.e.a.s. - mig dreymir yfirleitt eitthvað bull í kringum það sem er að gerast í mínu lífi.
T.d. ef ég rekst á gamlan bekkjarfélaga úr grunnskóla er næsta víst að mig mun dreyma einhvern kennara sem við áttum sameiginlegan eða aðra bekkjarfélaga.

Mig dreymdi um daginn að ég væri í stríði og var stödd í kastala. Samt - á einhvern hátt - var ég ekki stödd í kastalanum heldur var þetta einskonar dúkkukastali sem ég var að leika mér með. Svo ákvað Þorsteinn frændi að vera í "hinum" kastalanum og fara í stríð við mig.
Upphófst mikið blóðbað og drama - en samt var þetta einskonar brúðuleikur.
Weird.
Þennan draum var samt auðvelt að ráða - ég var að horfa á Lord of the Rings.

Svo finnst mér það alltaf jafn fyndið að sama hvaða bull mann dreymir - það meikar alltaf jafn ótrúlega mikið sens í draumnum. Og í flestum tilfellum situr bullið eftir í hausnum á manni daginn eftir!

Gott dæmi um það er draumurinn sem mig dreymdi í nótt.
Sagan á bak við hann er að við systur höfum síðustu vikur og mánuði (og sérstaklega yfir jól og áramót) verið einstaklega duglegar að borða osta - enda eru ostar bestir!!!
Nú - mig dreymdi í nótt að vegna gífulegrar sölu á ostum upp á síðkastið væri útlit fyrir að þeir yrðu uppseldir á landinu. Ef svo færi þá ætluðu ostaframleiðendur að hætta að framleiða osta þar sem það einfaldlega borgaði sig ekki - þar sem þeir væru alltaf uppseldir!
Ég tók samstundis þá ákvörðun að hætta að borða osta!!!

Svo áðan þegar ég var að skrifa innkaupalista fyrir Bónus og hugsaði með mér að ég mætti nú alls ekki kaupa ost! Og það tók mig töluverðan tíma að fatta af hverju ég ætlaði ekki að kaupa ost!

Já það er óhætt að segja að stundum sé maður svo sannarlega staddur í ruglinu.

Stelpan

Jólafrí

2006-12-12T14:25:00.000Z

Já við getum orðað það þannig að ég hafi verið í snemmbúnu blogg-jólafríi.
Eða við getum líka orðað það eins og það er - ég er búin að vera löt að blogga!

Allavega - þið hafið svo sem ekki misst af miklu nema þið hafið sérstakan áhuga á heimildaleit og almennri lesningu um mjólkursýrumælingar og fleira í þeim dúr!

Það sem fékk mig til að rjúfa þögnina og blogga á ný var þessi frétt á mbl.is.
Ferlega sætur pínulítill fyrirburi - allt gott með það!

En segið mér eitt: Nú erum við - mannkynið í heild - orðin svona þokkalega þróuð og tæknivædd.
Við sendum ítrekað menn og flaugar út í geiminn og það er alveg hreint með ólíkindum hvað þessum snillingum tekst að gera þarna útfrá.
Við erum búin að hafa Einstein og Newton og alla þessa mega-snillinga.
Við erum búin að finna upp bókstaflega allt - og koma því í handhægar umbúðir!

Segið mér þá eitt - eitt sem ég velti ítrekað fyrir mér þegar ég les greinar eins og þessa - af hverju er enginn búinn að finna upp fyrirbura-bleyjuna?!
Er sú uppfinning bara too much fyrir snillingana hjá NASA?!
Af hverju er þessum oggupínulitlu krílum alltaf stungið bara í næstu pampers bleyju?!
It never ceases to amaze me!

Til stuðnings mínu máli:

I rest my case.

Stelpan

Jólaföndur

2006-11-28T22:06:00.000Z

Svo ég haldi áfram meðmælum um hvað er hægt að gera sér til dundurs í skammdeginu þá vil ég benda öllum á að fara inn á þessa síðu og búa til snjókorn!
Verulega skemmtilegt!
Ef þið viljið sjá mín getið þið leitað eftir DÓRAROKK - þá sjáiði mín bestu!

Annars er það helst að frétta að okkur hefur verið meinaður aðgangur að portinu okkar þar sem það er byrjað að rífa húsin í kring! Ætli þeir séu ekki hálfnaðir með að rífa allan pakkann og eftir situr ekkert nema rústirnar.
Mest er ég svekkt yfir bílastæðunum sem yfirleitt hafa ekki verið af skornum skammti - nú er barist fyrir hverju og einu!
Samt finnst mér það gott á KB-banka liðið sem leggur alltaf í portinu mínu á daginn og tekur upp öll stæðin! Það virðast vera skilyrði fyrir starfi hjá KB-banka að kunna ekki að leggja því hver einasti bíll tekur 2 stæði!!!
Pakk!
En, ekki lengur því portið... that's history!

Svo... næst þegar þið komið í heimsókn - komið labbandi!

Stelpan

Soundeffectar

2006-11-21T19:14:00.000Z

Nú er kominn þokkalegur snjór hér í borg óttans þannig að ég - á litlu trítlunni minni - spóla aðeins og rassinn á bílnum rennur stundum aðeins til - en bara svona á skemmtilegan hátt!

Ég tók eftir því áðan að ég er farin að gera alltaf smá soundeffecta með þegar ég spóla/slida - þið vitið "rrrruuuuuunnnnnnnnn - squííííííííííík"
Það gerir þetta ennþá skemmtilegra - ég mæli með að fólk prófi það - það virkilega gleður manns litla hjarta í skammdeginu!

Annars er ég búin að leysa ráðgátuna um swat-teamið.
Ráðgátan fólst semsagt í því að ég skildi ekki af hverju swat-teamið var hætt að koma og æfa sig í yfirgefna húsinu á móti mínu.

Ég tók eftir því í gær að snjórinn í portinu mínu var furðulega mikið þjappaður - miðað við að einu bílarnir sem eru að þvælast þarna eru trítlan mín, Yaris, Corolla og þess háttar stubbar.
Svo í morgun - rétt um klukkan átta - enn í skjóli myrkurs - sá ég allt í einu svona vasaljósahreyfingu í portinu svo ég kíkti út.
Viti menn - þar voru vanarnir tveir og út úr þeim æddi heill her af swat-team gaurum með töskur og ýmis konar farangur!
Þetta var aaaaaalveg eins og í bíómyndunum! Ég heyrði reyndar ekki í þeim en ég get ímyndað mér hvað fór fram: "Let's move it people - GO GO GO!!!"
Allir gaurarnir hlupu inn í hús, svo voru ljósin slökkt og bílunum keyrt í burtu - eins og þeir hefðu aldrei komið!

Ætli þeir séu ekki búnir að vera að gera þetta í þónokkurn tíma - þeir vissu að fólk var búið að taka eftir þeim svo þeir eru farnir að koma og fara í skjóli myrkurs.
Og þeir eru hættir skotæfingum - allavega búnir að minnka þær mikið ... ég átta mig ekki alveg á því hvað þeir eru að gera þarna...

Anyways - prófið soundeffectin - mæli með þeim!

Stelpan

Beiskja

2006-11-20T09:31:00.000Z

Mér var að berast sá beiskjulegasti tölvupóstur sem ég hef nokkurntímann fengið!

Í þessum tölvupósti var viss aðili sem ég var með link á að skipa mér að breyta tenglanafninu sínu.
Mér voru bókstaflega settir úrslitakostir!
Ekki það að hann hafi einhverntímann beðið fallega - þá hefði ég glöð breytt því! Einhverra hluta vegna virkar það betur á mig en úrslitakostir!
Nei - þessi maður trúir ekki á að biðja fallega - ég hugsa að hann myndi fyrr senda lögfræðinginn sinn á mig en að bara biðja!
Maðurinn er staddur hinum megin á hnettinum og honum tekst samt að go out of his way og koma fram við mig eins og skítinn undir skónum sínum - bara eins og hann hefur alltaf gert!

En - ég er búin að verða við óskinni - búin að fjarlægja linkinn!
Ég nenni bara ekki að fara að standa í einhverjum málaferlum!

Stelpan

p.s. Og by the way - ég veit þú átt eftir að kíkja á þetta til að vera alveg viss um að ég hlýði þér - þegar ég kynntist þér þá gekkstu undir þessu nafni. Þeir sem kölluðu þig þessu nafni voru t.d. systir mín svo ekki segja mér að þetta fólk tengist mér ekki neitt!!!

Ökuníðingur

2006-11-04T17:33:00.000Z

Ég fór upp á Smáratorg áðan að kaupa afmælisgjöf hana henni Írisi - en hún átti einmitt afmæli í gær - til hamingju með daginn enn á ný!

Allavega, ég er að labba aftur í bílinn minn og það var bíll sem var greinilega að bíða eftir stæði eða eitthvað - og hann stóð kyrrstæður alveg beint fyrir aftan minn bíl á bílastæðinu.
Þessi bíll var svona einhverskonar jepplings-station bíll eitthvað! Semsagt ekkert brjálað stór og með flatan rass (ekki útstandandi skott).

Heyrðu - ég labba út á bílastæðið og aftur fyrir þennan bíl til að komast í minn.
Nema hvað - akkúrat þegar ég labba aftur fyrir bílinn sé ég að hann setur í bakk og keyrir á mig!!!
Við erum að tala um það að ég fékk bílinn bara í fangið!!! Ég hrökklast eitthvað aftur en er samt alveg hálf-kyssandi bílinn!!! Ef þetta hefði verið bíll með skott þá hefði ég alveg bókað lent uppi á honum!

Ég í einhverju panikki slæ í afturrúðuna og hann stoppar - guði sé lof!
Og ég - alveg brjáluð - lamdi gjeeeeðveikt fast í bílinn sjálfan! Kæmi mér ekki á óvart þó það hefði komið dæld!
En merkilegt nok - bílstjórinn kíkti ekki einu sinni út!!!
Svo ég labba aftur framfyrir - nema núna farþegamegin - og þar situr einhver kelling og horfir á mig eins og fáviti!
Ég öskra á hana eitthvað um það hvort það sé ekki í lagi með þau og það eina sem ég uppsker er einhver álkulegur svipur - svo keyra þau í burtu!!!

Ég var að velta því fyrir mér hvort ég ætti að skrifa niður númerið þeirra og bara hringja á lögguna en - þekkjandi lögregluna vissi ég að þeim gæti ekki staðið meira á sama - myndu áreiðanlega bara hlæja að mér og eflaust gefa þessum hálfvitum orðu eða eitthvað!
Og ég meina - það er heldur ekki eins og ég hafi verið í einhverri bráðri lífshættu eða eitthvað!
En ég hefði samt haldið að þegar maður keyrir á einhvern - hvort sem það er alvarlegt eða ekki - þá stingur maður nú allavega hausnum út og spyr hvort það sé í lagi með viðkomandi!!!

Einnig hugga ég mig við það að ég lamdi duglega í bílinn! Ef guð var með mér náði ég að dælda hann og það verður þá bara að nægja sem þeirra refsing!
Það versta er að ég er hálf aum í hendinni - hún er svona minna vön því að lemja bíla!

Ég hef sagt það áður og ég stend fast við það - það er stórhættulegt að vera í umferðinni í Reykjavík (eða í þessu tilfelli - Kópavogi!!!)

Stelpan

Skotárás

2006-11-01T18:14:00.000Z

Ég var að kenna í morgun. Þegar tíminn var búinn tók við einhver klukkutíma matarpása áður en næsti tími átti að byrja svo ég rúllaði heim í hádegismat.

Ég legg bílnum í portinu heima og tek eftir því að löggubíl og 2 sérkennilegum sendiferðabílum ("vans") var lagt beint fyrir utan húsið mitt.
Nú er búinn að vera óvenju mikill umgangur lögreglu um þetta svæði síðustu daga svo ég dró þá ályktun að þessir stóru "vanar" hlytu bara að vera the swat team!

Jú jú - nema hvað - ég fer út úr bílnum (sem er by the way lagt ca 10 metrum frá yfirgefna húsinu sem er beint á móti mínu) og þar sem ég er að læsa honum heyri ég eitthvað kall og svo þessi meiriháttar skot-sprenging!
Ég segi sprenging því hávaðinn var gífurlegur - þetta var næstum því vont!!
Strax á eftir kemur "hlaða aftur hljóð" og annað skot!
Aftur "hlaða aftur hljóð" og skot!

Mér leið eins og ég væri stödd á vígvelli!!!
Ég stóð - eins og auli - með lykilinn í skránni og lokuð augun - vonandi að ég yrði hreinlega ekki skotin niður fyrir utan húsið mitt!!!

Svo þegar látunum linnti stökk ég inn - alveg nett skelkuð!
Og svo hélt hávaðinn bara áfram!
Ég sat og var að borða hádegismatinn og alltaf reglulega var skotið og maður hálfpartinn hrökk við lætin!

Síðan tékkuðum við á þessu og þá kom í ljós að þetta var vissulega sérsveitin sem var þarna inni að æfa sig.
Það versta fannst mér að þeir eru með alvöru kúlur en engin púðurskot - mér er svona mátulega vel við það verandi alltaf að þvælast þarna framhjá og búa í næsta húsi!
Ég veit að þessir gaurar eiga að vera vel þjálfaðir og allt það en - slysin gerast - þetta hús sem þeir eru að skjóta í tætlur er alveg síst traustvekjandi!!!

Ég hugsa að ég reyni bara að halda mig fjarri á meðan þeir eru að standa í þessum skotæfingum - ég er hrædd um að ég hafi bara ekki taugar í annað!!!

Talandi um að búa í gettóinu!!!

Stelpan

Köben

2006-10-31T15:41:00.000Z

Jæja - þá er maður kominn heim úr Kaupmannahöfninni.
Það er alveg með ólíkindum hvað þetta líður hratt allt saman - áður en maður veit er maður farinn út og kominn aftur heim! Og hvað bíður manns þá?!
Vinna!!! Og ekkert að hlakka til nema bara jólin!!!
Hnuss!!!

En Köben var æði - var við öðru að búast!!!
Einu vonbrigðin - sem voru samt töluvert stór vonbrigði - var verslunarpartur ferðarinnar!!
T.d. keypti ég enga skó!!!!! Ekki eitt einasta par!!!!
Skórnir þarna úti voru bara ekkert að kalla á mig og þeir sem voru eitthvað fínir voru ráááándýrir og í flestum tilfellum til hér heima fyrir svipaðan pening!!!
Svo var ég ekki alveg nógu sátt við HM!
Jú jú - don't get me wrong - ég kom heim með stútfulla ferðatösku og allt það - en það vantaði allt brálæðið í verslunina!!! Það vantaði að vera með fangið fullt af fötum sem maður hreinlega verður að eignast eins og stundum kemur fyrir!!!

Aðrir partar ferðarinnar tókust líka svona svakalega vel!
Fórum tvisvar út að borða og fengum svo hrikalega góðan og fínan mat í bæði skiptin!!!
Þetta var sko enginn McDonalds skal ég segja ykkur!!!
Samt á alveg ótrúlega reasonable verði verð ég að segja!

Svo má nú ekki gleyma tilgangi ferðarinnar - að hitta Nínu skvísu!!!
Það var alveg kominn tími á það enda voru það magnaðir endurfundir!!!

Annars var þetta bara hin ljúfasta ferð! Það helsta var hvað hún leið hratt - nú er ekkert framundan nema vinna vinna vinna fram að jólum!!!
Og talandi um það - verð að fara því nú er næsti hópur að koma!!!
Díses hvað maður er orðinn gamall!!!

Stelpan

Málstofan

2006-10-27T12:40:00.000Z

Ég hef fengið þónokkrar fyrirspurnir varðandi málstofufyrirlesturinn minn.

Ég var semsagt að flytja fyrirlestur í málstofu í rannsóknatengdu námi við læknadeild - dæmi sem maður þarf að mæta í á hverjum fimmtudegi í 2 ár - og bara einu sinni þarf maður sjálfur að vera með fyrirlestur.
Fyrirlesturinn minn var semsagt um mastersverkefnið mitt.

Guð minn góður hvað ég var stressuð!
Á meðan fólkið var að hrúgast inn stóð ég upp við töfluna og leit út eins og ég hefði aldrei gert annað!
Í rauninni var ég alveg sveitt á bakinu!!!
Og það var alveg metþáttaka - allavega 40 manns - venjulega eru milli 20 og 30!!!
Allir svo spenntir að heyra mig tala!!!

Síðan hófst gleðin og það var mesta furða hvað þetta gekk vel!
Það var reyndar á einum stað sem ég ruglaðist aðeins - og ég leit út í hópinn og það fattaði ENGINN neitt - bara Tóti (leiðbeinandinn minn) glotti! Svo ég hélt bara áfram!

Og - þegar fyrirlesturinn sjálfur var búinn átti ég hálfpartinn von á því að ég yrði grilluð með spurningum - en það var alveg með ólíkindum hvað mér tókst að svara öllu vel og sannfærandi!!!

So - to sum up - a success!!!
Þið getið ekki ímyndað ykkur hversu glöð ég er að þessu er lokið!!!
Svo - nú get ég farið samviskulaust til Köben - en við leggjum af stað bara hvað af hverju!!!
Vúúúúúúhúúúúúú!!!

See ya later!!!

Stelpan

Leiðin heim

2006-10-25T19:18:00.000Z

Já, tvö blogg á einum degi - það kemur nú ekki oft fyrir.

En - það sem fékk mig til að fremja slíkan verknað var lagið sem ég heyrði í útvarpinu á leiðinni heim úr vinnunni áðan.
Það var lagið Roxanne með Police.

Það sem mér þótti svo merkilegt við að heyra þetta lag var að fyrir 2-3 dögum þegar ég var á leiðinni heim heyrði ég þetta sama lag í útvarpinu!

Fyrir það man ég ekki hvenær ég heyrði þetta lag síðast í útvarpinu - í einu skiptin sem maður hlustar á Roxanne er í hinum alræmda drykkjuleik - "Roxanne"!

Ég komst ekki hjá því að hugsa hvort alheimurinn væri að reyna að segja mér eitthvað!
... komst samt ekki að niðurstöðu um hvað!

Næsta lag var svo Alanis Morrisette lagið Ironic.
Miðað við heitar umræður um hleranir upp á síðkastið vona ég innilega - okkar allra vegna - að enginn hafi verið að hlusta!

Svo þegar ég kom heim sá ég að spá mín um laufblaðafall hafði ekki gengið eftir - öll laufblöðin voru hrunin af fyrir utan spá part trésins sem liggur alveg upp við húsið - einhverra hluta vegna ákváðu þau laufblöð að halda sér í örlítið lengur.

Síðan vil ég enda þetta með því að minna alla á að ég er að fara til Köben ekki á morgun heldur hinn!!!
Vúúúúúúúúhúúúúúúú!!!!!!!!!!!!

Stelpan

Tréð í garðinum

2006-10-25T12:09:00.000Z

Fyrir utan eldhúsgluggann heima er risastórt tré.
Needless to say þá hefur þetta risastóra tré heilan haug af laufblöðum.
Það fyndna við þetta tré er að það fylgir ekki alveg sömu rútínu og önnur tré.

Þegar haustar fara flest tré að gulna smátt og smátt og laufblöðin hrynja af svona jafnóðum - en ekki tréð okkar.
Ég fór í vinnuna einn morguninn í síðustu viku og þá var tréð allt vel grænt. Þegar ég kom heim úr vinnunni um kvöldið var nánast hvert einasta lauf orðið gult!!

Það er eins og tréð bara taki bara ákvörðun einn daginn og þá verða ÖLL laufin gul!

Svo - þekkjandi tréð okkar - beið ég spennt eftir næsta stigi.
Fram til gærdagsins var hægt að telja á fingrum annarrar handar hversu mörg laublöð höfðu fallið af því.
Svo kom ég heim úr í gærkvöldi og sá að það voru 5-10 laufblöð fallin til viðbótar - og ég vissi sko hvað það þýddi!
Þegar ég vaknaði í morgun og leit út um gluggann þá var svona 80% af öllum laufunum hrunin af - og þau sem eftir sátu voru á fullu að hrynja líka!!!

Og laufblaðahaugurinn fyrir neðan tréð...!!!!
Díses - maður þarf alveg að vaða í gegnum hrúgurnar því laufblaðamagnið er alveg með ólíkindum!
Mín spá er sú að þegar ég kem heim í kvöld verði ekki eitt einasta lauf eftir á trénu!

Ég var samt svoldið svekkt að þetta skyldi gerast yfir nótt því í fyrra þá horfði ég á þetta gerast á innan við hálftíma.
Þá var geðveikt mikið rok og ég stóð inni í eldhúsi að éta hádegismatinn.
Svo kom vindhviða og ég horfði bara á hrúgurnar fjúka af trénu! Aftur kom vindhviða og aftur fauk alveg hrúga af!
Þegar ég loksins var búin að borða stóð tréð but naked eftir!
Það fannst mér gaman!!!

Talandi um tré með karakter!

Stelpan

Uppáhaldsbúðin mín!

2006-10-20T14:51:00.000Z

Já, maður á sér oft einhverja uppáhaldsbúð sem maður bara verður að kíkja inn í þegar maður labbar fram hjá.

Fyrir einhverju síðan var t.d. Oasis uppáhaldsbúðin mín enda mátti maður varla fara þangað inn án þess að finna eitthvað sem maður hreinlega varð að eignast.
Svo eru að sjálfsögðu svona snilldarbúðir sem maður kíkir alltaf í - jafnvel þó maður kaupi ekki endilega eitthvað í hvert skipti - það er bara svo gaman að skoða. Þetta er búðir eins og Spútnik, Rokk og Rósir, og fleira í þeim dúr - sem og Tiger og Söstrene Grene!

En í dag er ég komin með nýja uppáhalds"búð".
ebay!
Ég elska ebay!!!
Ég held það skipti ekki nokkru einasta máli að hverju maður er að leita - það er til á ebay! Í mismunandi litum og stærðum!

Sem dæmi má nefna að ég er búin að leita hátt og lágt að bleikum skóm!
Þá meina ég ekki svona fölbleikum eins og maður sér í búðunum - heldur alveg hot pink!
Það endaði svo með því að ég fór á ebay og fann þessa líka BEAUTIFUL skó!
Þeir eru svoooooo fallegir!!! Og svoooooo bleikir! Ég hef bara ekki getað farið úr þeim síðan ég fékk þá!

Svo var ég að sækja sendingu í dag frá Hong Kong - geggjaða bleika tösku!!!
Guð hún er svo falleg!!!
Og ekki nóg með það - ég fékk hana á 0,99 pund!!! Einhverjar 125 krónur!
Við það bættist svo flutningskostnaður, tollur og vaskur svo heildarverðið var um 2.500 krónur - but who cares! Hún er æði!!!

Aðrir hlutir sem ég hef keypt eru t.d. síminn minn! Við skulum aldrei gleyma því hvað síminn minn er æðislegur og nákvæmlega hversu mikið ég elska hann!
Svo keypti ég um daginn geggjaða nælu - og sólgleraugun mín í sumar!

Þegar ég les yfir upptalninguna sé ég að flest það sem ég hef keypt er bleikt...
En svona er þetta bara - ef maður finnur ekki það sem mann langar í hér heima þá verður maður bara að leita út fyrir landsteinana!
Það næsta sem ég er að spá í að skoða eru einhverjir fabulous hanskar... og kannski hattur!
Kemur í ljós.

Annars er það helst að frétta að tölvan mín, hún Lísa, er formlega látin!
Endanlega í þetta skiptið!!!
Mér var tilkynnt það af viðgerðarfólki EJS að ég fengi nýja tölvu þar sem mín er búin að bila ómennskt oft!

Ég hef svona blendnar tilfinningar um þetta allt saman!
Auðvitað er ég sátt við að fá nýja tölvu! Einhver glæný týpa sem er víst miklu flottari og betri en mín gamla. Og vonandi á hún eftir að hafa lægri bilanatíðni en hin!
En á móti kemur að harði diskurinn er - enn á ný - farinn á vit feðra sinna, og hann tók að öllum líkindum allt innihaldið með sér!
Nú er ég enginn kjáni - ég er farin að taka backup svo missirinn er kannski ekki svo gríðarlegur!
En... hins vegar var ég allan síðasta föstudag að dunda mér í tölfræði fyrir fyrirlesturinn sem ég er að fara að halda á fimmtudaginn. Þetta er alls ekki erfitt eða flókið - þetta er bara brjálað tímafrekt, svo ekki sé á minnst leiðinlegt!
Og nei - ég var ekki búin að taka backup af því!

Meira að segja venjulega þegar ég er að gera eitthvað svona dæmi þá sendi ég mér það á email - þá er það alltaf á netinu og ég get opnað það hvar sem er - en... ég gat það ekki á föstudaginn því ég var að gera þetta uppí skóla og það er ekki ennþá búið að tengja HÍ-netið hjá mér síðan síðasti harði diskur/móðurborð (eða hvað það nú var) dó!!!
-andvarp-

En - þrátt fyrir allt hef ég nú tekið þessu með mesta jafnaðargeði.
Ég er bara búin að sætta mig við það að life is a bitch og við því er ekkert að gera - svo af hverju að pirra sig á því!
Þess í stað ætla ég bara að mæta galvösk niður í skóla í fyrramálið og gera tölfræðina upp á nýtt - enda ekki margt annað í stöðunni!

Svo má að lokum benda á það að það er ekki nema vika í Köbenferðina ógurlegu!!!
Ég er byrjuð að hita upp og æfa mig með debetkortið svo ég nái örugglega maximum eyðslu!!!
Guð þetta verður svo magnað!!!

Stelpan

Dugnaður

2006-10-11T17:21:00.000Z

Já, þó ég segi sjálf frá þá er ég ótrúlega dugleg!
Sit núna niðrí Skógarhlíð og er að bíða eftir næsta mælingar-fórnarlambi.
Og þetta er sko ekki fyrsta fórnarlambið - ó nei!
Ég er að mæla á morgnana, ég mæli um miðjan daginn og ég mæli á kvöldin! Ég mæli jafnt á virkum dögum sem um helgar! Og frídagar hafa ekki verið sérstaklega heilagir heldur!
Hver einstaklingur kemur tvisvar til þrisvar, hver mæling tekur um klukkutíma og fjöldi einstaklinga sem ég er búin að mæla er kominn veeeeel yfir 100!
Svo ekki sé minnst á undirbúning fyrir og útreikninga eftir hverja mælingu!!!
You do the math!
Það er því ekki að undra að ein stelpan sem er að læra sjúkraþjálfann og er því dálítið mikið hér í Skógarhlíðinni hafi komið inn til mín og spurt með undrun:
"Fyrirgefðu, en er einhver eftir á landinu sem þú ert ekki búin að mæla?!?!"
Það fannst mér fyndið!

Já, ef aðeins það væru allir jafn duglegir og ég!!!

Stelpan

Köben o.fl.

2006-10-10T12:30:00.000Z

Ætli ég verði ekki að byrja á því að biðjast afsökunar á einstakri bloggleti síðustu daga og vikur!
Stundum bara kemur andinn ekkert yfir mann og þá þýðir ekkert að kreista eitthvað fram - maður verður bara að bíða þolinmóður!
Svo er ég líka ennþá svo skotin í myndinni af Þyrnirós að ég vildi leyfa henni að fronta síðuna eins lengi og ég kæmist upp með!!!

Allavega - ég held að það merkilegasta sem gerst hafi í millitíðinni sé að ég er búin að panta mér flug út til Köben!
Vúúúúúúúúúúhúúúúúúúúú!!!
Föstudaginn 27. október verður haldið í sannkallaða hópferð út til Kaupmannahafnar til að heimsækja hana Nínu mína!
Ég held það sé óhætt að segja að það verði stuuuuuuuuð! Nína er víst búin að plana einhver ósköp af skemmtilegheitum fyrir okkur!!!
Magnað - I can't wait!!!

Í framhaldi af utanlandspöntun minni fór ég svo að spá aðeins í þessu.
Fyrir um ári síðan hafði ég aldrei komið til Köben (millilendingar teljast ekki með) og þar af leiðandi skildi ég ekki hvað fólk var alltaf endalaust að tala um hvað Köben væri æði og frábær og yndisleg og að fólk vildi búa þar og bla bla bla!
Get over it people - þetta er bara borg!!!
Þess vegna finnst mér það dálítið kómískt að ég er að fara núna í 3. skipti til Köben á einu ári!!!
Og ég verð að segja að mér finnst Köben ÆÐI!!!
Svo - ætli ég sé ekki komin í hóp þeirra sem endalaust eru að tala um hina frábæru borg Kaupmannahöfn!!!

Síðan er annað - þessu algjörlega óskylt - sem mér finnst ég knúin til að tala aðeins um!!
Andfýla!!!
Í alvöru!!! Ég held að andfýla sé án nokkurs vafa það ógeðslegasta sem ég veit!!!
Nú fer ég reglulega í Baðhúsið og sprikla aðeins á brettinu eins og flestir hinir. Best finnst mér að fara kl. 16:20 því þá er Beverly Hills í sjónvarpinu og þá getur maður auðveldlega drepið tímann á brettinu! En stundum - eins og í dag - hentar mér betur að fara fyrr á daginn svo ég gerði það!
Allavega...
Ég er í leiðindum mínum að horfa á tónlistarmyndbönd þegar það kemur einhver pía á brettið við hliðina á mér og ég finn bara hvernig það kemur alveg gustur af andfýlu með henni!!!
Ok - svitalykt I can handle - en þetta er bara ekki í boði!!
Nú var ekki margt í stöðunni annað en að þykjast vera að horfa á sjónvarpið á brettinu hinum megin við mig og anda með munninum. Það var samt hálf misheppnað því það var alveg það sama í því sjónvarpi og á mínu sjónvarpi! Ég var komin að því að hætta bara fyrr og flýja þegar pían sjálf hætti og fór eitthvað annað!
Guði sé lof!
Nei í alvöru gott fólk - maður má vera sveittur og úfinn og hallærislegur í ræktinni en andfýla er ALDREI í boði! Kaupið ykkur tannbursta eða farið eitthvert annað!!!

Stelpan

My Alter Ego

2006-09-23T12:23:00.000Z

Sleeping Beauty

69%

Peter Pan

69%

Cruella De Ville

69%

The Beast

63%

Goofy

63%

Donald Duck

50%

Ariel

50%

Cinderella

50%

Pinocchio

44%

Snow White

31%

You scored as Sleeping Beauty. Your alter ego is Princess Aurora, a.k.a. Sleeping Beauty! You are beautiful and enchanting, and as sweet as ever.

Which Disney Character is your Alter Ego?
created with QuizFarm.com

Já það er ekki nokkur spurning um það - ég er Þyrnirós!
Til að taka af allan vafa tók ég prófið aftur og fékk sömu niðurstöðu.

Mér fannst það svoldið áhugavert að þrátt fyrir að Þyrnirós væri sigurvegarinn þá skoraði ég jafn hátt sem Cruella Deville og Pétur Pan. Finnst persónulega engin tenging þar á milli!

Einnig þótti mér merkilegt að Dýrið (úr Beauty and the Beast) var í topp 5 bæði skiptin sem ég tók prófið - veit ekki hvort það þýðir eitthvað!!!

Allavega - bendi öllum á að kíkja á síðuna hennar Nínu í Danmörkinni. Hún þykist ætla að vera dugleg að blogga í þetta skiptið - sjáum til hvernig það gengur!!!

Stelpan

Slæmt sjónvarpsefni #2

2006-09-19T18:16:00.000Z

Mér finnst ég knúin að halda áfram að tala illa um það sjónvarpsefni sem er á boðstólnum þessa dagana!

Horfði á CSI New York í gær.
Það var ekki viljandi!!! Það var bara ekkert annað í sjónvarpinu og ég var að koma mér í háttinn og svona á meðan ég horfði með öðru auganu! Svo þar sem ég var búin að horfa á fyrri partinn af þættinum langaði mig að sjá hvert plottið væri og hvernig þetta myndi allt saman enda!
Guð minn góður!
Þeir sem horfa á CSI almennt vita að það er oft eitthvað plott í gangi en þetta var bara allt allt of mikið!!!

Annað plottið var að það var búið að blanda eitthvað megrunar-eitur út í sjampóið hjá einhverju hjólaskautaliði. Og fórnarlambið "cooked from the inside" eins og þau orðuðu það.
Ok - langsótt - já!
En svo kom hvernig þau föttuðu hver var "morðinginn".
Þau mældu magnið af eitri í sjampóinu og guð minn góður - þetta efni er 25 ára!!!
WHAT?!?!?!
Time out! Ég missti algjörlega af þessu! Hvar fenguð þið 25 ár?!
Og þá kveiktu þau - þjálfarinn (eða eitthvað) tók inn stera fyrir 25 árum - það hlýtur að hafa verið konan hans!!!
Aftur - what?!
Svo fóru þau og töluðu við konuna og hún játaði strax!
Kjaftæði!!!

Hitt málið var rithöfundur sem var myrtur og fannst í teppi.
Þeir fundur eina - EINA - frumu á teppinu!!!
Við erum að tala um gólfteppi sem var á heimili og by the way líkið var vafið inn í - og það var EIN fruma á því!!! Og að sjálfsögðu vildi svo heppilega til að gaurinn sem fruman var af var á skrá svo þeir fundu hann - og hann var róni sem bjó á götunni!!!
Í fyrsta lagi - ef maður er róni sem býr á götunni - hvernig finnur löggan mann bara sísona?!
Allavega - þeir fara í hús útgefandans (þar sem gaurinn var víst myrtur) og fara inn og inn í skáp - þar var eitthvað skrifa með rithönd fórnarlambsins (sem þeir greindu bara á staðnum) og svo fundu þeir eitthvað skrifað á vegginn og þá bara var þetta kristaltært fyrir þeim!
Fórnarlambið var ekki rithöfundur heldur var það eiginmaður útgefandans og hann myrti gaurinn fyrir að stela skáldsögunni sinni!!!
WHAT?!?!?!
Þetta plott var svooooooooooooooo laaaaaaaaaangsóóóóóóóóóóóótt!!!

Aldrei - aldrei aftur mun ég horfa á þennan viðbjóð!!!

Annað í sjónvarpinu sem pirrar mig er Dr.Phil.
Nú er Dr.Phil ekkert svo slæmur - en þegar hann er að taka fyrir fjölskyldur og "bjarga þeim!"
Eins og fjölskyldan sem hann er að taka fyrir akkúrat núna í sjónvarpinu - fjölskyldufaðirinn er scum of the earth!!! Hann lítur út eins og einhver ógeðslegur fjöldamorðingi og barnaníðingur! Hann er viðurstyggilegur maður sem lýgur viðstöðulaust, heldur framhjá og kemur ömurlega fram við fjölskylduna sína!
Af hverju að "bjarga" þeim!? Af hverju ekki að benda þeim á góðan skilnaðarlögfræðing?!
Why?! WHY?!?!

Ég skil ekki af hverju gerir maður sjálfum sér það að horfa á þetta?!

Stelpan

Rockstar

2006-09-14T11:30:00.000Z

Jæja - þá er það komið á hreint - Magni vann ekki Rockstar Supernova!

Nú skal ég viðurkenna það að ég hef fylgst mjög vel með Rockstar - meira að segja vakað nokkrum sinnum til að kjósa okkar mann!

Það var samt ekki fyrr en í gærkvöldi þegar verið var að sýna úrslitaþáttinn sem ég gerði mér grein fyrir hvað maður er í rauninni mikill auli að horfa á þetta!
Og ennþá meiri auli að vaka og kjósa!

Því þrátt fyrir að það hafi verið Íslendingur að keppa og að hann hafi komist langt í keppninni þá verður maður bara að vera hreinskilinn - þessir þættir eru langt frá því að vera gott sjónvarpsefni!
Og það pirraði mig dáldið að ég skyldi ekki gera mér fulla grein fyrir því fyrr en í lokaþættinum!

Ég skal segja ykkur af hverju þessir þættir eru ekki góðir: þetta var allt saman svo ótrúlega fyrirsjáanlegt! Ég veit eiginlega ekki af hverju ég var að horfa og bíða eftir úrslitum því ég vissi alveg nákvæmlega hvað myndi gerast!!!
Í fyrsta lagi - neðstu tveir! Það var auðvelt: Magni og Toby
Svo þurftu gaurarnir í Supernova að senda annan þeirra heim. Það var given: Magni
Þá stóðu 3 eftir og einn þurfti að fara heim. Aftur given: Toby
Og þá voru eftir 2 - og hver vann?! Það var mest given af öllu: Lukas

Svo þegar búið var að tilkynna sigurvegarann þá fór ég að hugsa. Það er svoooo langt síðan ég vissi að Lukas myndi vinna - en samt var maður að rembast að kjósa Magna og halda með honum því hann er Íslendingur! Ísland best í heimi og allt það. Og auðvitað var maður að vona að Magni myndi vinna - ekki það að ég væri eitthvað að bera hans hag fyrir brjósti - ég vildi bara vinna!!! Það er alltaf mjög mikilvægt!

Að sama skapi pirrar það mig að maður skuli oft hafa vakað langt fram á nótt til að horfa á einhvern þátt "í beinni" sem var löngu búið að taka upp!!! Fyrir þá sem ekki vissu þá voru hvorki tónleikarnir né úrslitin í beinni þrátt fyrir að vera auglýst þannig!

Já það er ekki laust við það að manni finnist eins og maður hafi keypt köttinn í sekknum að horfa á þessa þætti! Ég hefði getað sagt ykkur það í 3. þætti hverjir yrðu í topp 5 og ég hefði auðveldlega geta sagt hver ynni!

En - you live, you learn! Héðan í frá held ég að ég haldi mig bara við Bold og Americas next top model - það klikkar aldrei!!

Stelpan

Geitungur í vanskilum

2006-09-12T23:14:00.000Z

Margir eru búnir að spyrja mig að því hver staðan væri á geitungnum inni á baðherbergi hjá mér.
Staðan er sú að hann er enn týndur!

Á þessu stigi málsins er ég nánast fullviss um að hann er dauður.
Hvar hann er dauður er svo allt annað mál!

Ég fékk þónokkrar ábendingar um hvert hann gæti hafa farið.
Loftræsting sagði einhver - en þar er net fyrir.
Niðurfall - í vaski eða baði - finnst það frekar ótrúlegt. Ég hefði séð hann fara ofan í vaskinn og með baðið - þar kemur tvennt til greina: Annaðhvort skreið hann lifandi niður í niðurfallið - einstaklega ótrúlegt þar sem geitungar eru svona minna í því að sulla í vatni. Hitt sem kemur til greina er að hann hafi dái og akkúrat dottið ofan í niðurfallið! Já einmitt - full mikil tilviljun fyrir mig!!!
Aðrar trúlegar tilgátur um flóttaleiðir hafa svosem ekki komið!

Svo - ég er farin að fara óhrædd á klósettið - passa samt upp á að Baninn sé innan handar á vaskinum.
Síðan tók ég mig til í gær og setti á brennandi heitt í sturtunni og spúlaði vel alla sjampóbrúsa og dótarí þar sem hann gæti falið sig! Og já - ég bunaði vel ofan í niðurfallið ef svo ólíklega vildi til að önnur tilgátanna að ofan væri rétt!

Ég tók mig meira að segja til og leitaði inni í lokuðum skápum, þvottavélinni og óhreinatauskörfunni en - ekkert!

Fyrir mér er þetta hreint ótrúleg ráðgáta
Ef þetta er ekki mál fyrir Gil Grissom þá veit ég ekki hvað er það!!!

Stelpan

Hetja óskast!

2006-09-11T13:32:00.000Z

Ég kom heim í hádeginu og mín beið glaðningur - geitungur í eldhúsinu!!!
Frábært!
Nú er ég nánast fullviss um að það er geitungabú í garðinum við hliðina á því þetta er þriðji geitungurinn sem kemur inn núna á 4 dögum!

Allavega - þessi geitungur var pirraður - veeeerulega pirraður svo það var ekki nokkur leið að nálgast hann!
Þar sem ég stend - í hæfilegri fjarlægð - og hugsa um möguleika mína flýgur hann í óðagoti inn á bað svo ég loka hurðinni og anda aðeins léttar.
Því næst fór ég og náði í Bana 1 - flugnaeitur og glas! Með það að vopni opna ég inn á bað og þar er gaurinn að sveima í kringum ljósið - og hann var sko ekki minna pirraður!!!
Eftir nokkrar mínútur af því að standa hálffrosin með banann og glasið læt ég til skarar skríða - stekk inn á bað og spreyja bananum í áttina að félaganum!!!
Fokk!!!
Hann bilaðist - gjörsamlega bilaðist!!! Aldrei hef ég séð geitung jafn brjálaðan!!! Hann flaug fram og til baka - klessti ítrekað á spegilinn og urraði - já hann urraði!!!
En - þar sem ég náði ekki að sprauta nógu vel á hann þá var hann ekkert að drepast!

Ok - staðan var semsagt orðin sú að geitungurinn er að fá flog inni á baði og ég stend fyrir utan með smá rifu á hurðinni - nógu stóra til að rétt sjá með öðru auganu inn!
Og þá gerðist það! Gaurinn flýgur frá speglinum að sturtunni - sem er ekki visible þaðan sem ég stend - og hverfur!!!
Great!

Eftir smá bið hætti ég mér inn því ég er ekki búin að verða vör við hann í smá tíma!
Þarna stend ég - í þetta sinn vopnuð Bana og skærum (ekki spyrja af hverju skærum!!!) og gaurinn er bara no where to be found!!!
Nú eru sko góð ráð dýr!!!
Svo ég fer yfir allt baðherbergið - hann var hvergi í loftinu eða á veggjunum og hann var ekki á gólfinu, ekki bak við þvottakörfu og ekki bak við þvottavél! Ekki í baðinu, sturtuhenginu, vaskinum, á baðborðinu eða klósettinu!!! Gaurinn er bara horfinn!!!

Eitt augnablik hvarflaði að mér sú skelfilega hugmynd að hann væri kannski í hárinu á mér eða á pilsinu svo ég hleyp fram og skoða mig alla í speglinum - en nei, ekki var hann þar!
Svo datt mér í hug að hann hefði kannski sloppið fram hjá mér og aftur inn í íbúð svo ég leitaði af mér allan grun - en nei, sé hann hvergi!

Svo nú er staðan þessi - ég sit inní stofu - alveg að pissa í mig - en ég þori sko ekki fyrir mitt litla líf að fara inn á klósett að pissa því ég bara veit að hann situr einhversstaðar í leyni og bíður eftir að ég girði niður um mig og setjist varnarlaus á dolluna!!!

Vill einhver hjálpa mér?!?!?!?!?!?!?

Ég er hrædd um að með þessu áframhaldi takist mér að byggja upp massífa partý-blöðru!!! ... og fara aldrei aftur í sturtu!!!

Guð hvað ég hata geitunga!!!

Stelpan

Nærbrók

2006-08-30T10:52:00.000Z

Guð - í gær fór ég í eina þá fyndnustu ís-ferð sem ég hef nokkurntímann farið í!!!
Nú átta ég mig ekki á því hvort þetta sé brjáluð had to be there saga - but here it goes!

Við skvísurnar - ég, Nínur og Íris - gerðum okkur ferð niður í Álfheimaísbúðina í Fákafeninu, tókum númer og biðum.

Þar sem við bíðum fer ég að horfa í kringum mig á hitt fólkið í ísbúðinni - bara svona eins og maður gerir þegar maður er að bíða - og í sjálfu sér var ekkert merkilegt að sjá frekar en venjulega.
En svo allt í einu grípur auga mitt ein pían sem stóð og var að bíða. Hún var bara í þægilega gallanum - í íþróttapeysu og semi stuttum kósí-buxum.
En það var eitthvað sem... bíddu hvað er þetta...
Svo fer hún eitthvað að labba um svo ég sá betur og jújú - það var ekki um að villast!!! Neðan úr annarri buxnaskálminni héngu gráar nærbuxur!!!

Vitiði - ég hélt ég myndi deyja then and there!
Nú er ég almennt nokkuð góð í að halda andliti í svona aðstæðum - ætli það sé ekki bara uppeldið - en í þetta skipti brást uppeldið all svakalega - ég bara gat ekki haldið í mér!!!
Svo við hlógum - og hlógum - og hlógum - og við bara gátum ómögulega hætt að hlæja! Þetta var einfaldlega of fyndið!

Eðli málsins samkvæmt voru allir í búðinni að horfa á okkur og spá í því hvað væri eiginlega svona fyndið og ég held að flestir hafi tekið nett skyndi-tékk til að vera viss um að við værum ekki að hlægja að viðkomandi!
Það góða við þetta var samt að það voru allir að horfa á okkur hlægja svo ég held það hafi enginn annar tekið eftir nærbrókinni sem hékk niður úr buxnaskálminni og náði niður á gólf!!!
Guð minn góður hvað þetta var óendanlega fyndið!

Allavega - síðan eftir að búið var að afgreiða mig þá gjói ég augunum - bara svona til að kíkja og þá var nærbrókin farin! Og pían sjálf var í hláturskasti - greinilega búin að fatta að hverju við hlógum svo svakalega!!!

Síðan fórum við út í bíl og við hlógum alla leiðina heim!
Ég held við höfum allar verið sammála um að þessi ísferð sé í topp 5 af bestu ísferðum allra tíma!!!

Stelpan

Annar í afmæli!

2006-08-21T14:07:00.000Z

Jæja - nú fer hátíðarhöldum fylgjandi afmæli mínu að ljúka! Fólk er að verða búið að jafna sig eftir maraþonið og það er nokkurn veginn runnið af unglingunum sem voru niðrí bæ á fylleríi!

Ég verð að segja að hápunktur afmælisdagsins hafi án nokkurs efa verið sú stórfenglega flugeldasýning sem haldin var í tilefni dagsins! Hún var - eðli málsins samkvæmt - haldin rétt hjá heimili mínu svo maður þurfti ekki nema rétt bregða sér út fyrir hús til að komast á stúkusvæði sýningarinnar!
Hafi nokkur maður verið í efa um hvort sýningin væri ætluð mér eða ekki þá var þaggað niður í þeim röddum fljótt og örugglega þegar bleiki partur sýningarinnar hófst - þá komu einhverjir tugir bleikra flugelda í röð og tóku fyrir allan vafa um það fyrir hvern sýningin væri!
Takk fyrir það!

Síðan - svona aðeins til að sanna mál mitt - heyrði ég einhvern orðróm um það að á næsta ári ætti að halda önnur eins hátíðarhöld - nema í þetta skipti á sunnudeginum!
Nema hvað - haldiði að afmælið mitt verði ekki á sunnudeginum á næsta ári!!!

Tilviljun?! - I think not!

Stelpan

Afmæli!!!

2006-08-19T12:24:00.000Z

Já gott fólk - í dag á ég afmæli!!!
Stelpan bara orðin 24 ára - sem þýðir að ég er ennþá kornung!

Ég vil þakka þeim sem mundu eftir afmælisdeginum mínum!
Sérstaklega vil ég þakka Reykjavíkurborg sem heldur í tilefni afmælisins heljarinnar hátíð!
Einnig vil ég þakka Morgunblaðinu en það hefur verið að telja dagana í afmælið mitt síðustu vikurnar!
Að auki skilst mér að heill hellingur af fólki hafi ákveðið að taka sig til og hlaupa maraþon - svona í tilefni dagsins! Mér finnst þetta nú kannski dálítið óþarfa umstang - en fólk ræður hvernig það kýs að fagna deginum!

Ég hef samt ákveðið að reyna að halda mig bara á jörðinni ídag og fagna áfanganum með nánustu vinum!
Þó skal það tekið fram að blóm og kransar eru ekki afþakkaðir!!

Have a happy -my- birthday!!!

Stelpan

Lífið er yndislegt

2006-08-03T13:06:00.000Z

Já - ég tók eftir því að ég var farin að skrifa alltaf smá lagabút sem titil svo ég ákvað að ég yrði að halda uppteknum hætti!

Lagabúturinn sem að þessu sinni varð fyrir valinu er úr þjóðhátíðarlaginu 2001.
Ástæðan fyrir því að ég kaus þjóðhátíðarlag í þetta skiptið er bæði sú staðreynd að þjóðhátið er handan við hornið - og - hið viðurstyggilega þjóðhátíðarlag sem einhverra hluta vegna var kosið í ár!!!

Ég veit ekki hvort þið hafið heyrt það en fyrir ykkur sem hafið hingað til sloppið en viljið skilja hvað nákvæmlega ég er að tala um þá má nálgast það hér.
Athugið að þið hlustið á lagið á eigin ábyrgð!

Ég held að það megi fullyrða án nokkurs vafa að þetta sé það arga lélegasta þjóðhátíðarlag sem gefið hefur verið út!
Í fyrsta lagi er lagið sjálft bara slappt - let's be honest!
Í öðru lagi - það er hvergi minnst á Eyjar, Dalinn, Herjólf, brekkuna, tjald - eða neitt af því sem einkennir þjóðhátíð!
Og jafnvel þótt að þau þjóðhátíðarlög sem gefin hafa verið út á árum áður séu engin Grammy-lög - þá fær maður alltaf smá fiðring í magann við að heyra þau!
Ég held það sé óhætt að segja að aldrei muni nokkur maður fá fiðring í magann við að heyra þetta lag - nema þá sá fiðringur valdi uppköstum!!!

Hnuss segi ég nú bara!

Annars er ég ekki að fara á þjóðhátíð í ár.
Í rauninni er engin sérstök ástæða fyrir því - það var bara einhvernveginn ákveðið að fara ekki - og satt best að segja er ég eiginlega alveg sátt við það!
Ekki það að mig langi ekki - ég er bara ekki að meika enn eina tjaldútileguna í grenjandi rigningu
og roki!
Kannski er það aldurinn sem er farinn að hellast svona yfir mann?!

Stelpan

Lax, lax, lax og aftur laaaaaax!

2006-07-28T16:02:00.000Z

Já gott fólk - ég fór í lax!

Ég geri mér grein fyrir að þegar fólk lítur á mig þá er það ekki það fyrsta sem fólk sér - laxveiðimaður - enda hef ég aldrei farið í laxveiði áður! En, það sem fólk ekki veit er að foreldrar mínir (þó aðallega pabbi) eru forfallnir veiðimenn og var ég sjálf ansi liðtæk í silungaveiðinni hér á árum áður - þó það sé nú komið svoldið síðan! Svo - ég veigra mér sko ekki við að klæða mig upp í klofstígvél og setja á mig poloroid sólgleraugu og vaða út í á með stöngina - enda er það akkúrat það sem ég gerði!!!

Allavega - í þetta skiptið ákvað ég að fara með pabba og mömmu í laxveiði og reyna fyrir mér að ná í maríulaxinn!
Veiðin fór fram í Búðardalsá en þar var fiskurinn að ganga like crazy!
Og viti menn - eftir einhverja 2 tíma af veiði er bitið á og skrímslinu landað!!! Maríulaxinn mættur á svæðið - takk fyrir takk!!
6 pund og 64 cm!!!
Újé - mjög sátt við það!!!
Og samkvæmt hefð var ég látin bíta veiðiuggann af - átti nú ekki von á því að það yrði eitthvað sérstaklega girnilegt! En viti menn - ugginn kom bara nokkuð auðveldlega af og það var ekki nokkurt óbragð af!!!

Síðan var veiði haldið áfram allan daginn og lítið gerist!
Fiskurinn var þarna - í torfum!!! Við erum ekki að tala um fisk í tugatali - við erum að tala um fisk í hundraðatali!!! Maður upplifði sig svoldið eins og í Stellu í orlofi með allan þennan lax!
Og það var kastað og kastað og kastað!!! Og agnið rann á milli fiskanna og rakst í suma þeirra - en þeir bara þefuðu af því og færðu sig svo frá!!!!
Arrrg!
Það var meira en lítið svekkjandi!!!
Orð fá því ekki lýst hversu mikið var reynt að fá fiskinn til að bíta á - en það gekk bara alls ekki nógu vel!!
Í lok ferðar fórum við familían heim með 4 laxa - ég fékk einn, Elfa frænka einn og pabbi tók tvo! Hins vegar tókst Elfu, mömmu og Unni saman að "sleppa" 5 löxum! Ég var bara fegnust því að vera ekki í þeim pakkanum!!!

Svo - at the end of the day var þetta bara hin fínasta laxveiði - ég fékk allavega einn og það var fyrir öllu!!!

Stelpan

Veðurfræðingar ljúúúúúúúga...

2006-07-18T10:08:00.000Z

Já - nú verð ég bara að fara að taka undir með Bogomil!!!

Hingað til er ég búin að reyna að vera þessi bjartsýna týpa - "nei, krakkar, látið ekki svona - það er allur júlí og ágúst eftir - nægur tími fyrir gott veður!!!"
Og - spá mín virtist vera að fara að rætast þegar spáð var bongóblíðu, 19° hita og ég veit ekki hvað og hvað í þessari viku!!!
Ég var spennt mjög - var orðin klár með grillið og sumarpilsið og ég var meira að segja búin að haga því þannig að ef það kæmi mega-sólbaðsveður þá gæti ég með lítilli fyrirhöfn tekið mér frí!!!

En nei - ég kíki inn á mbl.is áðan (en það er veðurspáin sem ég fylgist alla jafna með) og viti menn - það er búið að breyta spánni - og bara til hins verra!!!
Nú er hæst 14° á næstunni og fyrir alla dagana er búið að bætast við allavega eitt stig af skýjum!!!

Hnuss segi ég nú bara!!!

Nú er ég formlega gengin í lið með þeim svartsýnu!!! 2006 verður hér eftir minnst sem ársins þar sem var ekki sumar!!!

Stelpan

Innbrotsþjófur?

2006-07-17T15:48:00.000Z

Fyrir þá sem ekki vita það þá er sumarvinnan mín bara það sama og ég var að stússast í vetur - vinna að mastersverkefninu mínu. Þessi vinna fer flest öll fram í húsinu þar sem sjúkraþjálfun háskólans er með aðsetur. Ég er semsagt búin að vera einskonar húsdýr þar í rúmlega ár - er með minn lykil og hleypi sjálfri mér inn hvenær sem mér hentar - þótt svo það sé kannski enginn annar á svæðinu.

Allavega...

Ég kem niðureftir í hádeginu áðan - sé á bílastæðinu að það er enginn í húsinu (sem kom í sjálfu sér ekkert á óvart þar sem sumarfrí eru í algleymingi þessa dagana). Opna dyrnar og æði inn - eins og ég hef gert daglega síðastliðið árið.
Nei - ég er varla komin inn þá heyri ég einhverja niðurtalningu - og að henni lokinni fer að pípa!!!

Fokk fokk fokk!!!

Svo ég snýst í hringi að reyna að átta mig á því hvaðan hávaðinn kemur og er ekki búin að finna græjuna þegar þessi massífi hávaði hefst svo ég geri það eina í stöðunni - flý út!
Great!
Ég byrja á að hringja í Tóta (en hann er, eins og svo margir aðrir, í sumarfríi) - hann kannast ekki við neitt kerfi! Næsta símtal var svo í Öryggismiðstöðina og þar tala ég við einhvern gaur sem tekur niður nafnið mitt og eitthvað og segir að það sé öryggisvörður bara á leiðinni!
Svo ég bíð... og bíð... og bíð aðeins lengur því let's face it - hvað átti ég annað að gera!
Hátt í 20 mínútum eftir að ég tala við Öryggismiðstöðina kemur vörðurinn! Maður fann svona hálfpartinn fyrir fölsku öryggi því ef ég væri í rauninni innbrotsþjófur þá hefði ég löngu verið farin með allt góssið!!

En gaurinn var nú bara elskulegur - þeir vissu alveg að kerfið var sett upp á föstudaginn svo það var alveg von á einhverjum aulum eins og mér! Hann var líka hálf kindarlegur þegar hann fór að spurja mig að nafni og kennitölu - en tók samt ekki sénsinn á öðru!

Þá kemur líka í ljós að það var húsvörðurinn sem bað um það á föstudaginn að það yrði sett upp kerfi og þeir bara komu samdægurs! Hann sagðist líka hafa sent e-mail á einhverja kennara en eins og ég segi - allir í sumarfríi - svo það var enginn búinn að kíkja á póstinn sinn!

Svo er ég náttúrulega ekkert eini nemandinn sem er að vinna hérna í sumar svo það eiga ábyggilega eftir að vera fleiri skemmtilegar uppákomur hjá þeim!!

Segið svo að það gerist aldrei neitt spennandi!!!

Stelpan

Beautiful people

2006-07-12T20:33:00.000Z

Já - ég geri mér grein fyrir því að ég er ekki búin að skrifa neitt hér inn í langan tíma - köllum það bara sumarfrí!

Það sem fær mig til að snúa aftur að tölvunni er hinn magnaði sjónvarpsþáttur Beautiful People.
Nú er þetta þáttur sem ég horfi bara alls ekki á - engan veginn! Ég veit að ég er stelpa og ég horfi á svona væmna stelpuþætti en time out segi ég nú bara - þessir þættir eru too much!

Svo sest ég niður áðan og ætla að horfa á hið magnaða tvíeyki - Beverly Hills og Melrose Place.
En þegar Beverly Hills er búið þá einhverra hluta vegna byrjar ekki Melrose Place heldur umræddur þáttur - Beautiful People.
Mín ekki alveg að fíla það!
Nú get ég ekki útskýrt af hverju en ég horfði á þennan þátt með öðru auganu á meðan ég naglalakkaði mig. Og til að taka það fram - fyrsti þátturinn í þessari seríu sem ég sé.

Nú - eins og þeir sem sjá auglýsingarnar vita þá er mamman í þáttunum sama pía og leikur Jo í Melrose Place. Hún er reyndar ekki eina pían úr Melrose Place sem er í sjónvarpinu þessa dagana - flest þeirra eru að leika í einhverju.
Svo er dinglað - í þættinum - og hver skyldi það vera?! Jú, haldiði að þetta hafi ekki verið gaurinn sem leikur Jake í Melrose Place! Og ekki nóg með það - í ljós kemur að hann leikur barnsfaðir mömmunnar! Og þau fara eitthvað að rífast um forræði!

Ég fékk bara deja vu!!!
Var ég ekki að horfa á þau tvö rífast í Melrose Place bara í gær eða eitthvað!!!
Mjög spes allt saman! Á undarlegan hátt væri hægt að snúa þáttunum þannig að þeir væru framhald af Melrose Place!
Fríkí!

Og svona í framhaldi af leikurum sem maður horfði á fyrir nokkrum árum.
Ég ákvað að horfa á fyrsta þáttinn af Love Monkey í gær og vá - ég fattaði það ekki fyrr en Íris hringdi í mig að Brandon úr Beverly Hills lék eitt af aðalhlutverkunum!!!
Gaurinn er svo ógeðslega eitthvað lifaður og feitur og sjúskaður og bla!!!
Alls ekki sexý!!!

Annars er ég ekki búin að gera upp hug minn um það hvort ég fíli Love Monkey eða ekki - þarf að horfa á allavega einn þátt í viðbót áður en ég get ákveðið það!

Stelpan

New York - New York

2006-06-20T09:52:00.000Z

You Are New York

Cosmopolitan and sophisticated, you enjoy the newest in food, art, and culture.
You also appreciate a good amount of grit - and very little shocks you.
You're competitive, driven, and very likely to succeed.

Famous people from New York: Sarah Michelle Gellar, Tupac Shakur, Woody Allen

What American City Are You?

Já, samkvæmt þessu er ég New York!

Kannski kominn tími til að skella sér þangað?!

Stelpan

Ég hata Icelandair!!!

2006-06-16T12:39:00.000Z

Já - ég stend við þessa yfirlýsingu!!

Á leiðinni út þá var nú ekki nema 4 tíma seinkun!
Það var alveg frábært! Ég var alveg pökkuð og klár en þurfti svo að sitja á rassinum og bíða í 4 tíma!!!
Grautfúlt!

Svo átti ég flug heim í dag kl. 14 - en af reynslu ákvað ég að kíkja á textavarpið!
Sem betur fer var engin seinkun á fluginu mínu í dag! Nei - því var bara cancellerað!!!
Ææææææðislegt!!!
Svo - enn á ný stend ég uppi - pökkuð og klár og fæ náðarsamlegast að fara með vélinni kl. 20 í kvöld!

Ég er viss um að mér verður troðið aftast í vélina - þarf að standa eða eitthvað!!!
Í ofanálag missi ég af kjúllanum sem mamma ætlaði að elda handa mér í kvöld!!!!!!
Það eru engin takmörk fyrir því hvað þetta er glatað!!!

Stelpan

Done it all!

2006-06-15T15:09:00.000Z

Já gott fólk - nú líður að því að ég fari að koma heim úr Danaveldinu og þegar á heildina litið er ég búin að taka allan túrastapakkann á þetta - og gott betur!

Tívolí - check!
Kíkti á tívolíið á föstudaginn - Sugarbabes að spila og allt! Fór reyndar ekki í morðtækið sem krakkarnir fóru í heldur horfði á í hæfilegri fjarlægð!!

Strikið - check!
Er búin að fara nokkrar ferðir niður í bæ og kíkja í þónokkrar búðir!

Nyhavn - check!
Höfum farið nokkrum sinnum og sest niður þar - fengið okkur eitthvað kalt og gott og horft á sólina!

Bjór - check!
Er búin að drekka marga marga bjóra - vissulega voru flestir þeirra fluttir inn frá Þýskalandi en engu að síður...

Pylsa - check!
Já - búin að fá mér eina danska pylsu - ekki eins gott og bæjarins bestu en samt mjög góð!

Litla hafmeyjan - check!
Við Clara fórum göngutúr áðan og kíktum á den lille havfrue. Clara tók meira að segja mynd af mér hjá henni og allt!

Höllin - check!
Í sama göngutúr kíktum við á konungshöllina og já - ég tók mynd af lífverði!

Hjólreiðatúr - check!
Við Clara fórum í gær í hörkuhjólreiðatúr! Því miður var hjólið sem ég var á nokkrum númerum of stórt fyrir mig svo ég náði ekki einu sinni niður! Þurfti meira að segja að standa alveg uppi á tánum á pedölunum og lyfta rassinum upp til að ná upp á hnakkinn! Því miður tók þetta allt sinn toll svo núna er verulega sársaukafullt að sitja - afturendinn fékk alveg að finna fyrir því!!!

Í kvöld erum við Clara svo að fara á ástralskan stað þar sem maður getur fengið kengúru, krókódíl og alls konar! Stefni á að fá mér kengúruna!
Svo erum við auðvitað búnar að kíkja aðeins út á lífið - ætlum að kíkja svo aftur út í kvöld!

Já - svo í labbitúrnum í dag löbbuðum við framhjá hafmeyjunni og höllinni og komum svo við í dómkirkjunni - alveg rosalega flott mannvirki. Áður en maður labbaði inn héngu uppi miðar og merkingar um að þetta væri guðshús og að þar ætti að ríkja þögn, bannað að tala, ekki vera með nein hljóð - uss uss uss!!! Svo við Clara læðumst inn eins og allir aðrir - skoðum kirkjuna sem var hreint mögnuð - mjög hljóðlega - skoðuðum og tókum myndir. Þegar við vorum búnar að vera þar nógu lengi og vorum að fara að labba út þá fer að bergmála um alla kirkjuna Bold and the beautiful símhringingin mín!!!
Fokk fokk fokk!!!
Þá var bara tvennt í stöðunni - annaðhvort grafa ofan í tösku, finna símann og þagga niður í honum - eða hlaupa!
Ég kaus seinni kostinn og hljóp út - á meðan ég gróf ofan í tösku eftir símanum!!!
Je minn eini - ég hélt ég myndi deyja!!! Fólk stóð og horfði og flissaði! Og þótt þetta væru ekki nema nokkrar sekúndur þá virkaði þetta eins og heil mannsævi! Ég upplifði þetta alveg í slow-motion!!
Við Clara vorum sko ekki lengi að flýja og koma okkur í hvarf!!!

Já það er sko allt að gerast hér í Danmörkinni!
En allavega - ég kem heim á klakann á morgun! Úr sólbaðinu og hitabylgjunni hérna heim í rigninguna og kuldann!!!
Ekki aaaaaalveg nógu sátt við það!!!

Stelpan

Vondir vinir!!!

2006-06-13T18:40:00.000Z

Já - ég á vonda vini!

Fékk áðan sms frá eitthvað irreal dating drasli - að ég væri búin að skrá mig á einhverja dating service og ef ég fer ekki á einhverja ákveðna síðu og skrái mig úr því þá eru teknir 2 dollarar af símareikningum mínum á hverjum degi!
Síðan fékk Clara símann minn lánaðan og tók kortið úr - svo þegar ég setti kortið aftur í þá var smsið horfið og síðan til að skrá sig úr farin með því!!!
Ég kom heim - googlaði það og tókst að finna þessa síðu eftir minni - en svo er bara ekkert hægt að skrá sig úr þessu! Það gerist ekkert þegar ég ýti á confirm takkann!!!!

AAAAAAARRRRRRRGGGGGGGGGGGGGGGG!!!!!!!!!!!!!

Hver sá sem gerði mér þennan grikk er vinsamlegast beðinn um að gefa sig fram og taka út sína refsingu!!!

Stelpan

p.s. það er brjálað stuð í Köben - hitabylgja og sól!!! Er búin að kaupa tvenna bilað geðveika skó og margt fleira!!!
Loving it, loving it!!!

Köben

2006-06-08T10:52:00.000Z

Jæja börnin góð - þá held ég á vit ævintýranna í Kaupmannahöfn!
Ég sé fram á töluverð innkaup, töluvert meiri bjór og mikið mikið af sól!!!

Later!

Stelpan

100 kvikmyndir

2006-06-06T21:01:00.000Z

Ó boy - önnur svona mynd!
Er búin að sitja og hugsa - er samt bara komin með 50!

Stelpan

Læknar í dag!

2006-06-04T19:48:00.000Z

Fór til læknis um daginn og hans lausn á vandanum var í þessum dúr!
Hnuss!

Stelpan

Update

2006-05-30T17:35:00.000Z

Jæja - ýmislegt hefur drifið á daga mína síðan síðast þegar ég nennti að blogga!

Til dæmis tók ég mig loksins - loksins - til og þreif bílinn minn!
Skrúbbaði hann í bak og fyrir - ryksugaði og þurrkaði af öllu innvolsinu! Fannst ég mjög dugleg og eiga mikið hrós skilið!
Daginn eftir þegar ég fór út í bíl varð ég ekki sátt því einhver fuglsskratti hafði séð sig knúinn til að kúka á húddið á nýþrifna bílnum mínum!!!
Ég er lúmskt að vona að rigning næstu daga eigi eftir að þrífa það af en ef ekki þá held ég að ég neyðist til að taka aðra umferð í þrifum - þetta er náttúrulega óþolandi!

Svo er ég búin að vera að horfa á Prison Break!
Boy ó boy! Þar sem ég er ekki með stöð 2 hef ég ekki horft á það þar heldur bara downloadað því og er búin að vera að taka nánast bara maraþonið á þetta! Er núna komin að lokaþættinum og guð hvað þetta er spennandi! Er alveg að halda í mér - spara síðasta þáttinn fyrir kvöldið!!!

Nú - svo er ég bara búin að vera ýkt dugleg að vinna svo ég geti farið áhyggjulaus til Köben í næstu viku!!!
Ójá - ég er sko að fara til Köben - ætla að vera þar í rétt rúma viku - versla, drekka bjór, versla, vonandi horfa framan í sólina, nú og versla!!!
Lovely!

Annars kemst lítið að í huganum á mér akkúrat núna annað en þessi dauðans hausverkur sem ég er búin að vera með í allan dag! Hann er svona að svífa á mig sterkar og sterkar eftir því sem á líður! Annars held ég nú frekar að það sé hausverkjapillan sem ég tók í morgun sem er smátt og smátt að svífa af mér!!
Já - það geta því miður ekki allar fréttirnar verið af hinu góða!!!

En allavega - ætla að fara og dópa mig upp aftur fyrir kvöldið!

Stelpan